Paśla Novaha hoda telekanał «Biełsat» pačnie viaščać u poŭnym abjomie, paviedamiła 28 śniežnia padčasonłajn-kanfierencyi na sajcie «Radyjo Svaboda» dyrektar telekanała Ahnieška Ramašeŭska.
«U nas niama stoadsotkavaj upeŭnienaści, ci chopić srodkaŭ na ŭvieś hod, ale, niahledziačy na heta, my ad 3 studzienia budziem znoŭ vychodzić u poŭnym abjomie», — skazała jana. Kalektyŭ telekanała taksama nie hublaje nadziei znajści ŭ nastupnym hodzie sponsara.
«Jeŭrasajuz nie nadta viedaje, jak pravodzić dziejnaść pa padtrymcy demakratyi ŭ takich krainach, jak Biełaruś. Taki dośvied u svoj čas mieli Złučanyja Štaty, ale Jeŭropie jaho nie chapaje. Takija prajekty, jak „Biełsat“, časta stanoviacca achviarami cichaj dypłamatyi intaresaŭ ci real politik», — patłumačyła jana.Adkazvajučy na pytańnie ab pryčynach skaračeńnia finansavaj padtrymki telekanała, jakaja adbyłasia raniej, Ramašeŭska vykazała dumku, što Biełaruś prosta nie źjaŭlajecca pryjarytetam u palitycy Jeŭrasajuza.
Dyrektar telekanała padkreśliła, što, niahledziačy na nieadnaznačnuju situacyju ź finansavańniem, u nastupnym hodzie płanujecca vypuścić 14 dakumientalnych filmaŭ z cykła «Nieviadomaja Biełaruś». Redakcyja kanała taksama płanuje zrabić šerah repartažaŭ z cykła «Biez retušy», pieršy ź jakich vyjdzie na pačatku studzienia pad nazvaj «Viasna…» i budzie pryśviečany Alesiu Bialackamu. Taksama ŭ studzieni na telekanale pačniecca pakaz piatnaccaci sieryj histaryčnaj prahramy «Historyja pad znakam Pahoni».
«Budziem taksama spraščać prahlad i pampavańnie našych prahram „na zapyt“, — skazała jana. — Budziem imknucca stvaryć mahčymaść prahladu praz mabilnyja pryłady».Aproč taho, na siońnia kamanda «Biełsata» pracuje nad pašyreniem praciahłaści
onłajn-tranślacyi ŭ Internecie.
Telekanał «Biełsat» skaraciŭ viaščańnie z 26 listapada. Ramašeŭska ŭ efiry telekanała paviedamiła, što hetyja źmianieńni časovyja i źviazanyja ź finansavymi ciažkaściami.
«Za piać hadoŭ pracy za davoli ścipłyja srodki ŭpieršyniu „Biełsatu“ ich nie chapiła na isnavańnie da kanca hoda. Tamu my pavinny admovicca ad toj prahramy telebačańnia, da jakoj pieršapačatkova rychtavalisia. My apynulisia ŭ vielmi surjoznaj situacyi i vymušanyja značna skaracić tranślacyju», — zajaviła dyrektar telekanała.
Spadarožnikavy telekanał «Biełsat» viaščaje z 10 śniežnia 2007 hoda. Jon byŭ stvorany jak strukturnaja adzinka Polskaha telebačańnia, dzie i raźmiašajecca aficyjnaja redakcyja «Biełsata». Na terytoryi Biełarusi kanał nie maje aficyjnaha statusu, i jaho praca abapirajecca na fryłansieraŭ.
-
«Ja zakančvaju efir, ja prosta nie mahu». Kavieryna daviała da šalenstva dyskusija sa śviatarom Šramko
-
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja
-
Biełaruskim sanatoryjam u Rasii ekanamičny kryzis tolki na karyść
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja5
Kamientary