Kabiniet ministraŭ Litvy ŭ sieradu zaćvierdziŭ pavieličeńnie minimalnaj miesiačnaj zarpłaty (MMZ) da 1000 litaŭ sa studzienia (u pieravodzie na biełaruskija rubli -- 3,278 młn rubloŭ).
Jak paviedamlaje Ministerstva sacyjalnaj abarony i pracy, paśla pavyšeńnia MMZ pavialičacca dachody rabotnikaŭ, jakija atrymlivajuć najnižejšy zarobak, uzraście ŭnutranaje spažyvańnie, źmienšycca kolkaść atrymalnikaŭ sacyjalnaj hrašovaj dapamohi i častka dziaržsrodkaŭ, jakaja idzie na sacyjalnyja dapamohi i apłatu kampiensacyj za aciapleńnie i vadu.
"Stanoŭčyja nastupstvy - pavieličeńnie MMZ da 1 tys. litaŭ (na 17,65%) zakranie prykładna 200 tys. rabotnikaŭ, u tym liku - kala 50 tysiač supracoŭnikaŭ biudžetnych ustanoŭ", - havorycca ŭ liście ministerstva.
Padličana, što na pavyšeńnie MMZ spatrebicca 160 młn. litaŭ ź dziaržaŭnaha i municypalnych biudžetaŭ. Pavyšeńnie zarobkaŭ dziaržsłužačych u nastupnym hodzie nie płanujecca.
Zaraz minmalny zarobak u Litvie składaje 850 litaŭ.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia
Kamientary