Maŭlaŭ, nie tak aśviatlali «Słavianski marš» u Mahilovie.
Namieśnik staršyni BSDP (Hramada) Ihar Barysaŭ napisaŭ skarhi ŭ prakuraturu, KDB, harvykankam i Administracyju prezidenta z patrabavańniem pryciahnuć da adkaznaści namieśnika staršyni Mahiloŭskaha harvykankama Mikałaja Michaleniu. Barysaŭ aburany praviadzieńniem u abłasnym centry «Słavianskaha marša». Aktyvist choča atrymać adkaz, na jakoj padstavie haradskimi ŭładami było dazvolena «antykanstytucyjnaje mierapryjemstva prarasijskich pravych radykałaŭ, jakija nie pryznajuć niezaležnaść Biełarusi».
«Dzie takoje bačyli, kab pa Mahilovie chadziła kałona padletkaŭ i kryčała «Słava Rasii!» i «Ruskije, vpieriod!»
— pryvodzić słovy Barysava sajt spring96.org. Varta adznačyć, što šeści biełaruskaj apazicyi ŭ Mahilovie nie dazvalajuć ni ŭ jakim vyhladzie. A voś rasijskim šavinistam — kali łaska.
Aburajucca i sami ŭdzielniki akcyi. Na sajcie rasijski pravych «Viernyj narod» źjaviŭsia vodhuk na mierapryjemstva. Ivan Šyłaŭ u niemasavaści marša paprakaje ŭłady. Maŭlaŭ, spačatku šerah admoŭ u jaho praviadzieńni adsunuli marš na bolš poźni (i chałodny) čas. U dadatak biednaja, litaralna, moładź z rehijonaŭ nie mieła za što kupić bilety da Mahilova i nazad. A starejšaje pakaleńnie mo i žadała prysutničać, ale pabajałasia, što straciać pracu navat praz takuju aktyŭnaść.
A «samym brudnym pryjomam uładaŭ źjaviłasia zabarona na vykarystańnie ahulnasłavianskaj histaryčnaj narodnaj simvoliki — čorna-žoŭta-biełaha ściaha». Na dumku aŭtara, biez hetaj simvoliki marš «staŭ padobnym da akcyi padazronych niefarmałaŭ z sumnieŭnymi metami».
«Paśla taho, jak hety mahiloŭski brudny scenar zakulisnych režysioraŭ adbyŭsia, spravu daviaršyli biełaruskija dziaržaŭnyja, siemickija i apazicyjnyja ŚMI, jakija družna i adzinadušna ščeryli zuby, vyśmiejvajučy biezdapamožnaść paranienaha lva, biespakarana łajučy i źnievažajučy najlepšych pradstaŭnikoŭ biełaruskaj moładzi — radykałami, nacystami i fašystami».
U dyskusiju z pravymi na sajcie «Svabodny farmat» ustupiŭ Aleś Lanieŭski.
«Ruska-«pravym» nie padabajucca słovy «radykały, nacysty, fašysty». Ale pry hetym u nazovie ich resursa prysutničaje ličba «14», što značyć u biełych nacy «We must secure the existence of our people and a future for white children» —
«My musim abaranić samoje isnavańnie našaha naroda i budučyniu dla biełych dziaciej».
Słohan prydumany Devidam Łejnam, čalcom arhanizacyi biełych sieparatystaŭ The Order».
Lanieŭski vyrašyŭ pacikavicca, što za asoba zajaŭnika marša, Dźmitryja Dzianisienki. I apisaŭ historyju, jak hod tamu mahiloviec užo sprabavaŭ pravieści «Słavianski marš» u Homieli, tolki niesankcyjanavana.
U praanansavanaje ŭ internecie dla zboraŭ miesca pryjšli dva anarchisty. I ŭbačyli tam Dzienisienku. Vydaŭšy siabie za «pravych adnadumcaŭ», anarchisty zaviali chłopca ŭ dvary i źbili. Takim čynam «vykazali svoj pratest pravaj nacyjanalistyčnaj ideałohii».
«Vyhladaje, što ani mahiloŭski, ani homielski harvykankamy ničoha nie viedajuć pra moładzievyja ruchi dyj pra toje, što adbyvajecca ŭ ich haradach.
Dahetul zastajecca niezrazumiełym, kamu i navošta patrebny byŭ «słavianski marš», — padsumoŭvaje Lanieŭski.
«Słavianski marš» adbyŭsia ŭ Mahilovie 25 listapada. Šeście kolkaściu 18 čałaviek prajšło pa vulicy Čaluskincaŭ da stadyjona DK Zavoda štučnaha vałakna. Udzielniki skandavali «Słava Rasii», «Paka my jediny — my niepobiedimy».
Ciapier čytajuć
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki2
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary