Brytanski štodziońnik «Daily Mirror» apublikavaŭ zdymak, na jakim papularnaja madelka Kiejt Mos užyvaje narkotyki. Heta stała kancom jaje prafesijnaje karjery.
Fatazdymki vyklikali takuju navalnicu, što 31-hadovaj Kiejt Mos pahražaje nia tolki raźvitańnie z pracaj, ale i sudovaja sprava. Brytanskaja palicyja zakidaje Mos užyvańnie kakainu padčas kancertu jaje kachanka-śpievaka Petera Dohierci. Hety fakt tym bolš praŭdapadobny, što samoha Dohierci ŭžo łavili na ŭžyvańni narkotykaŭ.
Mos da niadaŭna ličyłasia idealnaj madelkaj dla reklamnych firmaŭ i ahiencyj, skiravanych na maładuju aŭdytoryju. Jaje abličča źjaŭlałasia ŭ reklamach «Šanel», «Koci», «H&M» i h.d. A ciapier? Paśla skandału «H&M» užo razarvała kantrakt z Mos. Idealohija hetaha švedzkaha vytvorcy vopratki — nieprymańnie narkotykaŭ. Klatvy Mos nadalej vieści zdarovy ład žyćcia nie dapamahli.
Potym jaje napatkała čarhovaja prykraść. Inšy vytvorca vopratki — «Burbery» — abvieściŭ, što admaŭlajecca vykarystoŭvać abličča Kiejt jak svoj firmovy tvar. Ale da sapraŭdnaj rospačy davioŭ Kiejt Mos francuski dom mody Šanel.
— My nie praciahniem z madam Mos kantrakt, jaki skončycca ŭ nastupnym miesiacy, — skazaŭ pradstaŭnik firmy.
Ciapier Kiejt musić žyć na aščadžeńni.
Ciapier čytajuć
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii25
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?3636
Kamientary