Pośpiech «N.R.M.» u Poznani
3 vieraśnia ŭ Poznani adbyŭsia kancert «N.R.M.». Razam z Varšavaj, Urocłavam i Biełastokam Poznań uvajšli ŭ trasu polskaha turne hurtu. Muzyki zajhrali na adkrytaj placoŭcy na Łenhach Dembinskich — u miescy, ciesna źviazanym ź dziejnaściu «Salidarnaści». Kancert i byŭ prymierkavany da 25 hadaviny stvareńnia «Salidarnaści». Pobač z «N.R.M.» na scenu vychodzili ichnyja polskija siabry «Strachi na lachi», ukrainskija revalucyjanery z «Greenjoly» i zabaronieny ŭ časy kamunizmu «Manam». Akramia starych hitoŭ, biełarusy zaśpiavali dźvie zusim novyja pieśni «Go home» i «My pieramožam». «Hurt Biełarusi numar 1», jak šmatkroć nazyvali «N.R.M.» viadoŭcy i žurnylisty, praśpiavaŭ supolna z «Strachami na Lachaŭ» «Try Čarapachi» i himn «Salidarnaści» «Mury». Paśla druhoha vychadu na scenu «N.R.M.» vyklikali na bis, i jany paŭtorna vykanali «Try čarapachi». Kali muzyki sychodzili, publika skandavała «Volna Białoruś» i «Dzieńkujemy». Siabry Biełaruskaha kulturna-aśvietnickaha centru ŭ Poznani razharnuli bieł-čyrvona-biełyja pałotniščy.
Vital Voranaŭ, Poznań
Kupała pa-bretonsku
Vieršy Janki Kupały na bretonskaj movie ŭbačyli śviet u travieńskim numary časopisu «Al Lanv». Nievialičkaja pradmova znajomić bretonskaha čytača ź Biełaruśsiu i asobaj paeta. Pierakład troch Kupałavych sanetaŭ — «Hej, u śviet!..», «Pčoły», «Čamu?» — ździejśniŭ Ryvanon Kierveła. Dapamožnaj movaj-tranślataram pamiž Biełaruśsiu i Bretońniu vystupiła anhielskaja: «padradkoŭnikami» stali pierakłady, zroblenyja Jurasiom Barysievičam. Bretonskaja mova — kielckaja, heta mova karennych žycharoŭ Bretani, paŭvostrava na zachadzie Francyi.
AŠ
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary