Драма Вадзіма Абдрашытава «Магнітныя буры»
БТ, 22.05
Магнітныя буры (Магнитные бури)
Расея, 2003, каляровы, 93 хв.
Рэжысэр: Вадзім Абдрашытаў
Ролі выконваюць: Максім Аверын, Вікторыя Таўстаганава, Любава Арыстархава, Барыс Шувалаў, Станіслаў Стралкоў, Рушана Зіафітдзінава
Жанр: Драма
Маленькі правінцыйны гарадок стаіць на магнітнай анамаліі. Жыцьцё месьцічаў цалкам залежыць ад вялізнага мэталюргічнага камбіната. Два алігархі аніяк не падзеляць, каму належыць завод. Да “спрэчкі гаспадарчых суб’ектаў” далучыліся й пралетарыі. Штодзень яны ладзяць кулачныя баі, высьвятляючы чый алігарх найлепшы.
Герояў выкідаюць з кватэры, ад іх сыходзяць жонкі, а былы сябра становіцца ворагам. Але пралетарскія ахвяры за чужыя інтарэсы не патрэбныя анікому.
Вадзім Абдрашытаў за савецкім часам ствараў праблемнае, псыхалягічнае кіно (“Парад плянэтаў”, “Спыніўся цягнік”, “Паляваньне на лісаў”). А карціна-прыпавесьць “Плюмбум”, увогуле, здымалася ў Менску. У стужках рэжысэра грамадзкай машыне супрацьпастаўлены індывідуальны чалавек. Каб перадаць шэрую рэальнасьць, абіраюцца старыя дамы, папрацеклыя дахі, стома й спакутаваныя твары.
“Магнітныя буры” працягваюць рэжысэрскія традыцыі.
«Кайлас, я іду». Што за беларуска знікла ў жудасным селі ў Непале6
Каментары