Пілоты «Белавія» зарабляюць каля 50 мільёнаў за месяц
Пра гэта паведаміў гендырэктар авіякампаніі Анатоль Гусараў.
«Па беларускіх мерках заробак пілотаў вельмі высокі, — заявіў ён у эфіры праграмы «Карціна свету» на тэлеканале РТР-Беларусь. — Мы сёння плацім каля 50 млн і лічым, што гэтага недастаткова, працуем над тым, каб павышаць зарплату да ўзроўню заробку гадовага складу ў Расіі, у еўрапейскіх краінах», — сказаў кіраўнік «Белавія». Паводле яго словаў, высокі ўзровень аплаты працы лётнага складу дазваляе пазбегнуць сыходу спецыялістаў у замежныя авіякампаніі.
Пры гэтым ён адзначыў, што ўзровень зарплаты пілотаў не аказвае вялікага ўплыву на цану квіткоў. «На іх цану ў першую чаргу ўплывае цана авіяцыйнага паліва. Мы цягам доўгага перыяду не павышаем тарыфаў. Цяпер «Белавія» пераймае досвед працы лоўкост-кампаній, распрацоўвае гібрыдныя мадэлі палётаў. Мадэль лоўкост-кампаній вельмі прывабная для пасажыраў, і станоўчыя моманты ў іх працы мы бярэм на ўзбраенне», — сказаў Анатоль Гусараў.
Каментары