У Баранавічы прывезлі першую рэгіянальную электрычку «Stadler»
Цягнікі «Рэгіянальных ліній» звяжуць Мінск з рэгіёнамі.
Першы электрацягнік серыі ЭПр для рэгіянальных ліній Беларускай чыгункі дастаўлены ў Баранавічы 27 верасня. У Баранавіцкім лакаматыўным дэпо састаў паставяць на вазкі, а пасля тэставання адправяць у Мінск. Праект «Рэгіянальныя лініі» стане працягам развіцця новай канцэпцыі прыгараднага руху БЧ, пачатак якой пакладзены «Гарадскімі лініямі».
Усяго ў Беларусь прывязуць чытыры падобныя электрычкі.Гэтыя саставы практычна нічым не адрозніваюцца ад электрычак «Гарадскіх ліній». У салонах электрацягнікоў рэгіянальных ліній прадугледжана расстаноўка мяккіх сядзенняў з падлакотнікамі па сістэме «2 +2», кандыцыянеры, сістэма відэаназірання з перадачай выявы на дысплей у кабіне машыніста і інфармацыйныя табло.
Канструкцыйная хуткасць электрацягніка рэгіянальных ліній для беларускай магістралі складае 160 км/г, як і ў электрацягніках гарадскіх ліній, паскарэнне пры крананні з месца — 1,1 м/с, што дазваляе дасягнуць хуткасці 120 км/г за 43 секунды.
У лакаматыўным дэпо г. Баранавічы састаў паставяць на вазкі, пратэстуюць і адправяць у Мінск. Працэсам выгрузкі вагонаў, а таксама працэсам зборкі саставаў займаюцца прадстаўнікі кампаніі «Stadler Bussnang AG» сумесна з баранавіцкімі калегамі.
Цягнікі «Рэгіянальных ліній» прызначаны для забеспячэння ўнутрырэспубліканскіх пасажырскіх перавозак паміж Мінскам і рэгіёнамі, у тым ліку і на ўчастку Мінск-Баранавічы. Так што шанец пракаціцца на швейцарскай электрычцы па беларускіх дарогах у нас ёсць ужо ў будучым годзе. Тым больш, што чыгуначныя зносіны з Брэстам і Гомелем мадэрнізуецца ў першую чаргу.
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца4
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1010
Каментары