«Расійскі капітал павінен скупляць тут тое, што і так, па сутнасці, залежыць ад Расіі».
Прэтэндэнт на пасаду прэзідэнта, лідар кампаніі «Гавары праўду!» Уладзімір Някляеў не выключае прыватызацыі беларускіх нафтаправодаў і нафтаперапрацоўчых прадпрыемстваў.Пра гэта ён заявіў 28 кастрычніка падчас прэзентацыі сваёй знешнепалітычнай дактрыны.
Як адзначыў Някляеў, з улікам таго інтарэсу, які выказвае Расія да транзітнага і нафтаперапрацоўчага комплексу Беларусі, шмат у каго з’яўляецца ўражанне, што такія дзеянні пагражаюць нацыянальнай бяспецы краіны. «Мы не можам выключыць расійскі капітал з такой умовай, хочам мы яго ўспрымаць тут, або не. Ён існуе, і ён такі, які ён ёсць. Трэба проста дакладна вызначыцца, што яму тут рабіць. Для мяне ёсць ясны адказ на гэтае пытанне.
Расійскі капітал павінен скупляць тут тое, што і так, па сутнасці, залежыць ад Расіі. І што, па вялікім рахунку, акрамя Расіі, нікому не трэба», — заявіў Някляеў.
У якасці прыкладу ён прывёў нафтаправоды, якія, паводле яго слоў, патрабуюць «капітальнага рамонту, на які ў Беларусі няма грошай». «Тое, што яны патрэбныя Захаду, я магу ўявіць толькі ў адным выпадку:
калі нейкі спекулянт на Захадзе павыкупляе гэтыя прадуктаправоды і прадасць іх назад Расіі», — сказаў палітык.
«Тыя ж нафтаперапрацоўчыя заводы, якія працуюць на расійскай сыравіне. Калі расійскія кампаніі ўвойдуць туды як уласнікі, то з імі можна будзе лягчэй весці перамовы, лягчэй вырашаць пытанні, якія на сённяшні дзень не вырашаюцца», — адзначыў Някляеў.
Кіраўнік выбарчага штаба Някляева Андрэй Дзмітрыеў адзначыў, што цяпер капітал не мае нацыянальнай прыналежнасці:«Калі нават хтосьці сёння прыватызуе трубаправод з Германіі або Вялікабрытаніі, то гэта не значыць, што гэта быў не расійскі капітал, вывезены за мяжу».
Акрамя таго,
як адзначыла палітолаг Святлана Навумава, расійскі капітал, які можа прыйсці ў Беларусь, не абавязкова будзе алігархічным.«У Расіі з’явілася «другая хваля» прадпрымальнікаў і бізнесменаў, якія маюць намер весці свой бізнес празрыста і адкрыта», — адзначыла яна.
Цяпер чытаюць
Чацвёртую лінію мінскага метро павядуць у Дражню. А «Сляпянка» і «Даўгабродская» змянілі сваё месца5
Каментары