«Самая прыгожая дзяўчынка ў свеце» выйшла замуж за прадстаўніка знакамітай французскай дынастыі
Французская мадэль і актрыса Цілан Бландо, якую ў дзяцінстве называлі «самай прыгожай дзяўчынкай у свеце», 29 чэрвеня выйшла замуж у Парыжы, піша Delfi.lv.
25‑гадовая Цілан Бландо атрымала міжнародную вядомасць яшчэ ў 2006 годзе, калі часопіс Vogue Enfants зрабіў яе фатаграфію сусветнай сенсацыяй і назваў шасцігадовую дзяўчынку «самай прыгожай дзяўчынкай у свеце».
Для дачкі футбаліста Патрыка Бландо і актрысы Веранікі Любры гэты тытул адкрыў дзверы ў самыя прэстыжныя модныя дамы свету. Яна была амбасадарам брэнда L'Oréal Paris, а таксама ўдзельнічала ў паказах Versace, Hugo Boss і Dolce & Gabbana.
Сёння яна не толькі паспяховая мадэль, якая супрацоўнічае з вядучымі агенцтвамі IMG і WME, але і заснавальніца і крэатыўны дырэктар уласнага брэнда сродкаў па доглядзе за валасамі Enalyht.
Рамантычная і закрытая грамадзянская цырымонія адбылася ў Парыжы ў прысутнасці толькі самых блізкіх сваякоў і сяброў.
Выбраннік Цілан — 29‑гадовы французскі акцёр і дыджэй Бэн Аталь, з якім яна знаходзіцца ў адносінах з 2020 года.
У французскай індустрыі забаў гэты саюз называюць «залатой парай»: Аталь — сын легендарнай актрысы Шарлоты Генсбур і ўнук культавай Джэйн Біркін, што робіць яго прадстаўніком адной з самых паважаных артыстычных дынастый Францыі.
Сваіх больш чым 6,7 мільёна падпісчыкаў у Instagram Цілан парадавала закулісным відэа падрыхтоўкі да вяселля, на фоне якога велічна ўзвышалася Эйфелева вежа.
Нявеста была апранута ў вясельную сукенку, пашытую на заказ брэндам Eva Bouskila Bridal, якую дапаўняла раскошная накідка. Валасы былі сабраны ў гладкі элегантны пучок, упрыгожаны белымі кветкамі.
Хоць Цілан удзячная за кар'еру, якую ёй прынёс той даўні тытул, яна ніколі не хавала, што жыць пад ціскам грамадскіх чаканняў было няпроста. Яе стаўленне да жорсткіх стандартаў моднай індустрыі вельмі чалавечнае.
«Нават сёння людзі кажуць мне: «Ты самая прыгожая дзяўчына», а я адказваю: «Не, я ўсё яшчэ не такая, я проста чалавек»», — расказвала мадэль у інтэрв'ю The Telegraph у 2018 годзе.
Яна катэгарычна адмаўляецца падпарадкоўвацца нездароваму культу худзізны, які пануе ў моднай індустрыі.
«Я не хачу быць худой. Нават калі людзі кажуць: «Яна недастаткова худая, яна не можа ўдзельнічаць у гэтым паказе», я проста адказваю: «Добра, я не буду ўдзельнічаць. Я не стану худзець і не перастану есці дзеля іх. Калі я хачу есці, я буду есці. Я ем бургеры і ніколі гэтага не змяню».
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе55
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе5
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў99
Каментары