Лукашэнка ў Гродне згадаў пра Ціханоўскую ва Украіне і расказаў пра цяжкую долю беларускіх дактароў на Захадзе
Аляксандр Лукашэнка падчас паездкі ў Гродна 5 чэрвеня адкрыў там новую абласную клінічную бальніцу і з гэтай нагоды папужаў мясцовых дактароў небяспекай вайны, а таксама расказаў, як бядуюць іх калегі ў Еўропе.
Лукашэнка расказаў, што разведка яму далажыла, што падчас візіту Святланы Ціханоўскай ва Украіну яна нібыта сказала Уладзіміру Зяленскаму, што «ў нас ёсць што вам прапанаваць — нашы беларусы». Паводле трактоўкі Лукашэнкі, гэта азначае, што «мы павінны пайсці за чужую волю ваяваць ва Украіну», «мясным фаршам там быць».
Аляксандр Лукашэнка часта і нават часцей за ўсё або хлусіць у такіх заявах, або наўмысна перакручвае сэнс словаў сваіх палітычных праціўнікаў. «Наша Ніва» пакуль не знайшла і такіх словаў Святланы Ціханоўскай. У адкрытых крыніцах знаходзіцца яе цытата з зусім іншым сэнсам: «Мы падтрымліваем украінскую армію і гатовыя ўдзельнічаць у аднаўленні Украіны. Мы гатовыя ўнесці свой уклад у размініраванне, аднаўленне інфраструктуры, падзяліцца нашымі лепшымі практыкамі і дапамагчы ў распрацоўцы праграм рэабілітацыі. Нашы IT-спецыялісты гатовыя дзяліцца тэхналогіямі для абароны ўкраінскай дэмакратыі. Наша дыяспара па ўсім свеце гатова прынесці свой досвед і энергію для аднаўлення Украіны».
Лукашэнка таксама сказаў, што задаў пытанне сваім падначаленым, ці хочуць беларускія дактары ехаць на працу ў Польшчу, але тыя нібыта запэўнілі Лукашэнку, што якраз цяпер поўным ходам пайшоў адваротны працэс:
«Не, кажуць, ужо назад хочуць вярнуцца. Мы гэта адчуваем. Я гэта бачу па нашай камісіі, туды ўжо звяртаюцца збеглыя, у тым ліку дактары і настаўнікі. А чаму назад вяртаецеся? Вы ж туды па заробкі паехалі і іншае. Чужыя!
Калі ласка, мы вас прымем, посуд мыць ці яшчэ нешта. Расходнікі-адходнікі гэтыя, як у дактароў, выносіць сметніцы і іншае. «Мы дактары, мы працаваць хочам». Не, дактары ў нас тут свае ёсць. А вы пакуль вось там.
Вяртаюцца назад. Я не кажу, што гэта кепскія людзі. У асноўным гэта неблагія былі дактары. З'ездзілі, страцілі час, страцілі грошы, некаторыя сем'і свае страцілі. Што атрымалі?»
Пасля гэтага ён стаў пераконваць сабраных, што на Захадзе «нікому мы не патрэбныя», а «патроны падносіць — можна і тут гэтым займацца».
Лукашэнка заклікаў Арменію быць акуратнай. «Каб не паўтарыць тое, што адбылося ва Украіне»
Лукашэнка нервова пракаментаваў візіт Ціханоўскай у Кіеў
Лукашэнка пра Кім Чэн Ына: Ён ніякі не дыктатар
Пуцін і Лукашэнка пагаварылі праз тэлефон
Былая супрацоўніца пратакола Лукашэнкі Дар'я Шманай стала кіраўніцай таямнічай беларускай арганізацыі ў Маскве
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося37
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1212
Каментары
[Зрэдагавана]