Наўседа: ЕС і ЗША ідуць рознымі шляхамі ў пытанні санкцый супраць Беларусі
Пасля таго як ЗША знялі частку санкцый з Беларусі, літоўскі прэзідэнт заявіў, што Еўрапейскі саюз ідзе па «іншым шляху» ў пытанні абмежавальных мер.
«Злучаныя Штаты сапраўды могуць праводзіць сваю палітыку ў дачыненні да Расіі і Беларусі, аднак палітыка ЕС гранічна ясная і заснаваная на прынцыпе, што абедзве дзяржавы — як Расія, так і яе блізкі саюзнік Беларусь — нясуць адказнасць за тое, што адбываецца ва Украіне», — заявіў кіраўнік Літвы журналістам у Бруселі ў чацвер.
«Варта звярнуць увагу, што зусім нядаўна мы дамагліся прадаўжэння санкцый ЕС супраць Беларусі яшчэ на 12 месяцаў. На працягу гэтага тэрміну няма ні магчымасці, ні палітычнага жадання вяртацца да перагляду санкцый. Такім чынам, адмена санкцый ЗША — гэта адно, тым часам санкцыйная палітыка ЕС — гэта іншы шлях», — сказаў Наўседа.
Ён сказаў гэта пасля таго, як Мінск па выніках перамоваў з Вашынгтонам вызваліў 250 палітвязняў, 15 з якіх прыбылі ў Літву.
Цяпер чытаюць
Хто з палітвязняў выйшаў на свабоду 16 верасня ПОЎНЫ СПІС23
Каментары
Пазіцыя Наўседы: "Беларусь - губерня Расеі, і адрываць ад Расеі мы яе не будзем".
https://d2accbiqacj5y8.cloudfront.net/ru/321342
"Президент Литвы назвал Беларусь российской губернией".