У Віцебску 17‑гадовая дзяўчына біла тварам аб стол і зламала нос сваёй сяброўцы
Прычыны — у хлопцу.
У Віцебску 17‑гадовая дзяўчына ўчыніла самасуд над сяброўкай, а затым уключыла відэазапіс са словамі: «Табе 10 секунд, каб сысці», пішуць vitvesti.by.
Навучэнка аднаго з каледжаў паўночнай сталіцы непрацяглы час сустракалася з Цімурам. Пра цяжкасці ў адносінах з ім яна перыядычна распавядала дзвюм сяброўкам. Тыя згаджаліся, што хлопец паводзіць сябе няправільна, і адгукаліся пра яго негатыўна. Неўзабаве адносіны спыніліся, пра што дзяўчына шкадавала. І вырашыла памірыцца.
Калі яна прыехала, у гасцях у хлопца былі тыя самыя сяброўкі. Дзяўчаты папрасілі хлопца не прыводзіць у кватэру сяброўку. Ён паабяцаў. Але слова сваё не стрымаў.
Хлопец папрасіў сваю былую дзяўчыну не ісці да яго, дадаўшы, што там яе могуць збіць. Гэта раззлавала дзяўчыну. Яна настаяла, каб зайсці.
Як пасля тлумачыла абвінавачаная, яе раззлавала, што людзі, якія палівалі брудам хлопца, цяпер у яго ў гасцях. Яе таксама раз'юшыла, што яе хтосьці можа пабіць.
— Уварваўшыся ў кватэру, абвінавачаная пачала збіваць адну са сваіх былых сябровак. Нанесла ёй каля 10 удараў рукамі па галаве. Затым, утрымліваючы за валасы, пяць разоў ударыла яе галавой аб стол. Потым уключыла відэакамеру на сваім тэлефоне і сказала: «Табе 10 секунд, каб сысці» і пачала зваротны адлік часу.
Былы малады чалавек і яго сябар, якія знаходзіліся побач, ніяк не паспрабавалі прадухіліць нападу і спыніць агрэсію.
Пацярпелая дзяўчына атрымала закрыты пералом носа, кровападцёк і траўму ў вобласці левага вока.
Дзяўчыну суд аштрафаваў на 40 базавых велічынь (1800 рублёў), а таксама задаволіў патрабаванні пацярпелай, спагнаўшы кампенсацыю маральнай шкоды на суму 8 000 рублёў.
Цяпер чытаюць
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая90
Каментары
Прычына ў дурасці гэтай дзяўчыны.
"Былы малады чалавек і яго сябар, якія знаходзіліся побач, ніяк не паспрабавалі прадухіліць нападу і спыніць агрэсію."©
А калі б умяшаліся б, і спрабавалі бы спыніць дурніцу, ужо б іх судзілі за гвалт над гэтай дурніцай.(