У Расіі пачалі штрафаваць не за падпіскі, а за пошук «экстрэмісцкіх матэрыялаў»
У Расіі пачалі прыцягваць да адміністрацыйнай адказнасці за пошук «экстрэмісцкіх матэрыялаў». Вядома пра тры такія штрафы, піша выданне «Вёрстка».
Так, 5 лютага суд у Чачні аштрафаваў мясцовага жыхара Ісу Магамадава за пошук «экстрэмісцкіх матэрыялаў». Сума штрафу і акалічнасці справы невядомыя. Раней Магамадаў працаваў у прыватным ахоўным прадпрыемстве «Альфа-Легіён», заснавальнікамі якога з’яўляюцца члены Асацыяцыі ветэранаў спецназа «Альфа».
Раней у лютым камісія па справах непаўналетніх аштрафавала на тры тысячы расійскіх рублёў (110 беларускіх) 16‑гадовага падлетка з Кемераўскай вобласці за пошук інфармацыі пра «арганізацыю, прызнаную тэрарыстычнай».
Першы штраф (таксама каля 110 беларускіх рублёў) быў вынесены 10 снежня 2025 года — жыхару Каменска-Уральскага Свярдлоўскай вобласці. Медбрата Сяргея Глухіх пакаралі за прагляд выявы шэўрона батальёна «Азоў».
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая90
Каментары
Напрыклад, не карыстайцеся Яндэкс-Пошукам, Алісай і па магчымасці іншымі іх сэрвісамі. Не будзьце залагіненымі ў яндэксе або яго пошце. Калі вельмі трэба, то зайдзіце з прыватнай сесіі браўзера і праз VPN.
Яндэкс не хавае, што збірае інфармацыю аб карыстальніках і што аддае яе па запытах дзяржаўных устаноў РФ.