Амерыканку, якая напісала дзіцячую кнігу пра сум пасля смерці мужа, абвінавачваюць у яго забойстве дзеля грошай
Пракуроры ў панядзелак прадставілі маці са штата Юта і аўтарку дзіцячых кніг Коўры Рычынс як жорсткую забойцу, якая імкнецца да грошай, у той час як абаронцы заклікалі журы не рабіць высноваў да таго, як справа будзе прадстаўлена з яе гледзішча, піша AP.
Коўры Рычынс, 35 гадоў, абвінавачваецца ў шэрагу цяжкіх злачынстваў за тое, што яна нібыта забіла свайго мужа Эрыка Рычынса фентанілам у сакавіку 2022 года ў іх доме непадалёк ад лыжнага курорта Парк-Сіці. Яна настойліва адмаўляе ўсе абвінавачанні.
Пракуроры сцвярджаюць, што яна падсыпала пяць разоў лятальную дозу сінтэтычнага апіяту ў кактэйль, які ён выпіў. Яна таксама абвінавачваецца ў тым, што спрабавала яго атруціць месяцам раней на Дзень святога Валянціна, насыпаўшы фентанілу ў сэндвіч. Пасля гэтага ён займеў высыпанні на скуры і страціў прытомнасць, як паказваюць судовыя дакументы.
Пасля смерці мужа Коўры Рычынc сама выдала дзіцячую кнігу пра сум у надзеі дапамагчы сваім сынам і іншым дзецям справіцца са стратаю бацькі.
На пасяджэнні суда Рычынc сядзела побач са сваімі адвакатамі, робячы запісы і перадаючы некаторыя ім. Яе абарона не паведаміла, ці будзе яна даваць паказанні ў сваёй абароне.
Пракурор акругі Саміт Брэд Блэдварт сказаў журы, што Рычынс была ў даўгах на 4,5 мільёна даляраў і памылкова лічыла, што калі яе муж памрэ, яна ўнаследуе яго маёмасць, якая ацэньваецца больш чым у 4 мільёны даляраў. Пракуроры сцвярджаюць, што яна планавала будаваць новае жыццё з іншым мужчынам, з якім таемна сустракалася.
«Пракуратура зможа даказаць, што Коўры Рычынс забіла Эрыка дзеля грошай і для таго, каб пачаць новае жыццё, — сказаў Блэдварт. — Больш за ўсё яна хацела яго грошы, каб падтрымаць сваю ілюзію прывілею, заможнасці і поспеху».
Цяпер чытаюць
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая104
Каментары