Крыптакарткамі неўзабаве можна будзе расплачвацца ў звычайных крамах
Пра магчымасці і сэрвісы першага крыптабанка, які можа запрацаваць у Беларусі ўжо ў 2026 годзе, расказаў першы намеснік старшыні Нацыянальнага банка РБ Аляксандр Ягораў у эфіры тэлеканала «Першы інфармацыйны».
Сярод ключавых сэрвісаў — крэдыты пад залог крыптавалюты, «крыптадэпазіты» (стэйкінг) і крыптакарткі для аплаты пакупак з імгненнай канвертацыяй у беларускія рублі.
Акрамя таго, самазанятыя змогуць легальна атрымліваць аплату ў крыптавалюце — праз інфраструктуру крыптабанка з магчымасцю афіцыйнага ўліку даходаў і выплаты падаткаў.
Кантроль за сістэмай будзе падзелены паміж рэгулятарамі: фінансавую частку курыруе Нацбанк, а тэхналагічную экспертызу — Парк высокіх тэхналогій. Гэта павінна павысіць празрыстасць аперацый і знізіць рызыкі для карыстальнікаў.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6363
Каментары