Больш за 200 чалавек загінулі ў выніку абвалу шахт на ўсходзе ДР Конга
Афіцыйнай прычынай названыя моцныя дажджы.
Апоўзень абрынуў некалькі шахт на буйным радовішчы на ўсходзе Дэмакратычнай Рэспублікі Конга, у выніку чаго загінулі як мінімум 200 чалавек, піша The Associated Press.
Апоўзень адбыўся ў шахтах, якія кантралююцца мясцовай ваенізаванай групоўкай М23, а яго афіцыйнай прычынай названыя моцныя дажджы.
Былы шахцёр, які працаваў на гэтым участку, распавёў AP, што апоўзні адбываліся неаднаразова, паколькі тунэлі ў шахтах былі выкапаныя ўручную і не абслугоўваліся належным чынам.
Усходняе Конга дзесяцігоддзямі перажывае крызісы. Гады канфліктаў у краіне прывялі да аднаго з найбуйнейшых у свеце гуманітарных крызісаў, у выніку якога больш за 7 млн чалавек былі вымушаныя пакінуць свае дамы.
Са снежня 2025 года больш за 300 тысяч жыхароў краіны пакінулі свае жытло.
Руднік, на якім адбыўся апоўзень, размешчаны ў багатым на карысныя выкапні рэгіёне краіны, які ў траўні 2024 года захапіла групоўка М23, што падтрымлівалася Руандай.
Каментары