Канстытуцыйны суд Балгарыі сёння разгледзеў і зацвердзіў заяву Румена Радзева аб адстаўцы з пасады кіраўніка дзяржавы, спыніўшы яго паўнамоцтвы.
«Паўнамоцтвы прэзідэнта Рэспублікі Балгарыя Румена Радзева спыняюцца датэрмінова, з пацвярджэннем КС пададзенай ім адстаўкі. Рашэнне ўступае ў сілу сёння, 23 студзеня 2026 года», — гаворыцца ў рашэнні суда.
Віцэ-прэзідэнтка Іліяна Ётава, у адпаведнасці з канстытуцыяй, стала першай у гісторыі Балгарыі жанчынай на пасадзе прэзідэнта рэспублікі. Гэта шосты прэзідэнт у гісторыі краіны.
У панядзелак, 19 студзеня, у дзявятую гадавіну першай прысягі на пасаду прэзідэнта Балгарыі, Радзеў звярнуўся да нацыі і паведаміў, што падае ў адстаўку і мае намер разам са сваімі прыхільнікамі прыняць удзел у датэрміновых парламенцкіх выбарах, якія сталі непазбежнымі пасля адмоваў партый, прадстаўленых у парламенце, прадпрымаць дзеянні па фарміраванні новага ўрада.
Іліяне Ётавай — 61 год. Яна працавала на Балгарскім тэлебачанні, член Балгарскай сацыялістычнай партыі, была дэпутатам Балгарскага парламента і Еўрапарламента. З 2017 года была віцэ-прэзідэнткай краіны.
-
Рутэ: Вайскоўцы краін НАТА з’явяцца ва Украіне адразу пасля заключэння мірнага пагаднення
-
Наўседа: Я буду сярод тых, хто найбольш жорстка патрабуе падаўжэння санкцый ЕС супраць Беларусі
-
Біл і Хілары Клінтан пагадзіліся даць паказанні Кангрэсу аб сувязях з Эпштэйнам. Адмова пагражала ім крымінальнай справай
Цяпер чытаюць
Калеснікава: Лукашэнка можа пайсці на спыненне рэпрэсій дзеля будучыні і «з нейкай мудрасці»23
Каментары