Пенсіянерка па тэлефоне «аформіла» электронную медкарту і стала «агентам спецслужбаў»
74‑гадовая мінчанка страціла тысячы даляраў і паўдзельнічала ў злачыннай схеме. Махляры настолькі заблыталі жанчыну, што яна пагадзілася выканаць ролю «агента спецслужбаў».
У Кастрычніцкае РУУС сталіцы звярнулася 74‑гадовая мінчанка, якой на гарадскі тэлефон патэлефанавала нібыта супрацоўніца паліклінікі. Невядомая паведаміла, што ўстанова пераходзіць на электронную форму выдачы медкарт і для афармлення патрабуюцца яе даныя, распавядае прэсавая служба мінскай міліцыі.
Далей пенсіянерцы па відэасувязі патэлефанаваў нібыта праваахоўнік, які паведаміў — яна стала ахвярай ашуканцаў, і пераканаў аказаць садзейнічанне ў сакрэтнай аперацыі.
Для гэтага ён загадаў паехаць у іншы горад на таксі і забраць з чужой паштовай скрыні скрутак.
Выканаўшы ўсе ўказанні, жанчына вярнулася ў Мінск і сустрэлася з кур'ерам. Незнаёмцу яна перадала чужую пасылку і свае 4 тысячы долараў ЗША, думаючы, што дэкларуе іх.
Праз нейкі час мінчанка зразумела — яе падманулі, і звярнулася ў міліцыю.
Цяпер чытаюць
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў56
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1818
Каментары