Кампанія абагнала Samsung.
Кампанія Counterpoint Research апублікавала справаздачу, згодна з якой сусветныя пастаўкі смартфонаў у 2025 годзе выраслі на 2%.
Пры гэтым у 2025 годзе Apple узначаліла сусветны рынак смартфонаў з доляй 20% і ростам паставак на 10%, што з’яўляецца самым высокім паказчыкам сярод пяці вядучых брэндаў. Аналітыкі сцвярджаюць, што ў значнай ступені гэта адбылося дзякуючы поспеху новых iPhone 17.
Адзначаецца, што Apple не знаходзілася на чале сусветнага рэйтынгу з 2011 года.
Кампанія Samsung, якая заставалася лідарам у папярэднія гады, апусцілася на другое месца з доляй рынку 19% і ростам паставак на 5%. Xiaomi захавала трэцюю пазіцыю з доляй рынку 13%.
Чацвертае і пятае месцы займаюць кітайскія Vivo i Oppo, што маюць па восем працэнтаў.
Цяпер чытаюць
Што вядома пра віцебчука, якога вінавацяць у спробе падрыву самалёта ў Германіі16
Каментары