Жыхара Гомеля прывабіла сыравяленая каўбаса ў прадуктовай краме на вуліцы Яфрэмава. Спачатку ён паспрабаваў незаўважна вынесці з гандлёвай залы некалькі палак каўбасы. А калі яго пабачыў ахоўнік, пачаў уцякаць.
22‑гадовы гамяльчук ужо быў асуджаны за хуліганства. Маючы яшчэ не пагашаную судзімасць, ён наважыўся на новае злачынства. Ён узяў са стэлажа ў краме дзве палкі каўбасы, схаваў іх пад куртку і накіраваўся да выхаду, абмінаючы касу, піша Belkagomel.by.
Несумленнага пакупніка заўважыў ахоўнік, дагнаў хлопца каля выхаду і прапанаваў вярнуць тавар. Але той пачаў вырывацца, выкінуў каўбасу і ўцёк. Толькі адышоўшы ад крамы на бяспечную адлегласць, ён зразумеў, што пакінуў у руках ахоўніка сваю сумку, а ў ёй — і асабісты пашпарт.
У той жа вечар ён выехаў у Расію па ваенным білеце, але быў там затрыманы і зараз знаходзіцца ў следчым ізалятары Гомеля.
Цяпер чытаюць
Цягнік Пінск—Мінск спыніўся пад Дзяржынскам без ацяплення. Пасля прыбыцця ў сталіцу пасажыраў разабралі людзі з сацсетак і развезлі па хатах7
Каментары
Голодный,но не очень умный.