Келаг раскрытыкаваў НАТА і прапанаваў стварыць новы альянс з удзелам Украіны
Былы спецпасланнік прэзідэнта ЗША ва Украіне заявіў, што, магчыма, ёсць патрэба ў стварэнні альтэрнатыўных да НАТА ваенных альянсаў.
Кіт Келаг. Фота: Dursun Aydemir / Anadolu via Getty Images
У прыватнасці, Келаг раскрытыкаваў НАТА і прапанаваў утварыць альтэрнатыўныя альянсы. Пра гэта ён заявіў у эфіры Fox News, піша «Украінская праўда».
На яго думку, магчыма прымяненне з боку ЗША 13‑га артыкула НАТА, загадзя папярэдзіўшы альянс і даўшы яму год на падрыхтоўку да выхаду ЗША.
«Перарабіць абарончыя структуры, якія мы маем, магчыма, стварыць іх з Японіяй і Аўстраліяй, а таксама з некаторымі з тых еўрапейскіх краін, якія гатовыя ўступіць у вайну, такімі як новая, зноў уключаная Германія ці Польшча. Ці нават Украіна, якая таксама праявіла сябе як добры саюзнік», — сказаў генерал Кіт Келаг.
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі40
Каментары
у Літве дадаткам да сваіх 17000 вайскоўцаў у 2027 будуць стаяць 5000 натаўскіх немцаў і Літва стопрацэнтова будзе супраць чарговага маразму Лапідарнага. Нямеччына таксама
Бо ён не прэзідэнт США, які ня далей за ўчора заявіў маўляў ЗША дарэмна ўвязаліся ў вайну ва Ўкраіне. Але самае дрэннае, што робіць Трамп - ён татальна знішчае давер да палітыкі ЗША. На гэтым фоне ніводны альянс з ЗША нікому нічога не гарантуе, бо Трамп разбурыў веру ў тое, што ЗША будуць дабрасумленна выконваць умовы любых падобных "дзілаў".