Свет55

Ларысе Долінай усё ж давядзецца пакінуць прададзеную кватэру

Вярхоўны суд Расіі адмяніў рашэнні трох ніжэйшых інстанцый паводле справы пра продаж кватэры спявачкі Ларысы Долінай і прызнаў права ўласнасці за пакупніцай Палінай Лур’е. Долінай адмовілі ў пазове аб прызнанні здзелкі несапраўднай.

Ларыса Доліна

Патрабаванне Лур’е аб высяленні Долінай накіравалі на новы разгляд у Масгарсуд. Да завяршэння працэсу спявачка можа жыць у гэтай кватэры, але пасля павінна яе пакінуць.

Раней адвакатка Долінай Марыя Пухава сцвярджала, што ўгода была здзейсненая пад уздзеяннем махляроў, аднак спявачка заяўляла пра гатоўнасць вярнуць Паліне Лур’е выдаткаваныя той 112 мільёнаў расійскіх рублёў (каля 1,2 мільёна даляраў).

Спявачка прадала кватэру ў чэрвені 2024 года, а ў жніўні заявіла, што стала ахвярай махляроў. Праз суд яна дамаглася вяртання кватэры, пасля чаго пакупніца, не маючы да тых махляроў дачынення, засталася і без кватэры, і без грошай.

Хамоўніцкі суд Масквы не прымяніў прынцып двухбаковай рэстытуцыі, згодна з якім спявачка павінна была б вярнуць грошы пакупніцы, і раіў Лур’е звяртацца да махляроў. Міжнародная асацыяцыя юрыстаў і кансультантаў адзначыла, што такі падыход стварае небяспечны прэцэдэнт і дэстабілізуе абарачэнне нерухомасці: пераход права ўласнасці на грошы пры разліку з’яўляецца асобнай здзелкай, і страта сродкаў з-за дзеянняў трэціх асоб не вызваляе прадаўца ад абавязку вярнуць суму пакупніку.

Гэтая справа выклікала шырокі грамадскі рэзананс: на адрас Долінай паступілі абвінавачванні ў нядобрасумленнасці, гледачы сталі здаваць білеты на канцэрты, а ў інтэрнэце пачалася кампанія яе «адмены».

Акрамя таго, кейс стварыў новую схему махлярства: прадавец, здзейсніўшы ўгоду, пазоў аб яе несапраўднасці абгрунтоўвае тым, што стаў ахвярай дзеянняў аферыстаў. У 2025 годзе па «схеме Долінай» аспрэчылі больш за тры тысячы ўгод, пакінуўшы добрасумленных пакупнікоў без жылля і сродкаў, а некаторых — яшчэ і з іпатэчнымі крэдытамі.

Каментары5

  • Загадка
    16.12.2025
    Дык, пакінуць ці ўсё ж пакінуць?
  • НН ТАСС
    16.12.2025
    [Рэд. выдалена]
  • НН ТАСС
    16.12.2025
    Навошта пісаць пра нейкую расейскую зорку ў нібыта беларускай газеце? Да таго з расійскімі спасылкамі.

    І якім правам выдаляеце такія каментары? Тут не БССР, каб сабе такое дазвалялі.

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны12

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

У Беларусі за апошнія гады ліквідавалі 40 праваслаўных прыходаў5

Украінскія дроны не могуць дагнаць рэактыўныя «Шахеды». У SpaceX кажуць пра тэхнічны збой3

«А як ты выкупіў адразу акцэнт?» Рэпер Баста па голасе пазнаў музыканта з Чавусаў і расказаў пра сваё дзяцінства ў закрытым гарадку пад Дзятлавам8

Амаль 400‑метровы пуцеправод паміж Каменнай Горкай і Лебядзіным абяцаюць адкрыць да канца года2

На Канары за суткі прыбылі амаль паўтары тысячы мігрантаў5

Карупцыйны скандал у Венгрыі: міністр Орбана закапаў у лесе 17 мільёнаў еўра7

«Лукашэнка ведае, што задумвае Пуцін, і вельмі гэтага баіцца». Чалы пра пагрозу новай вайны42

Алесь Бяляцкі сустрэнецца з чытачамі ў Варшаве, Кракаве і Уроцлаве1

Адна з самых масавых газет Расіі напісала пра «зняцце табу на ліквідацыю» Зяленскага4

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны12

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць