Мінскі метрапалітэн прэзентаваў новыя цягнікі. Яны будуць хадзіць на Аўтазаводскай лініі
Мінскі метрапалітэн правёў прэзентацыю двух новых інавацыйных саставаў «Мінск-2024» у электрадэпо «Магілёўскае» 26 лістапада. Плануецца, што яны пачнуць курсіраваць па Аўтазаводскай лініі ў снежні 2025-га.
У лютым 2025‑га «Метравагонмаш» і сталічны метрапалітэн падпісалі кантракт на пастаўку 20 вагонаў метро «Мінск-2024» (чатырох пяцівагонных цягнікоў) для беларускай падземкі. Імі маюць намер замяніць старыя нумарныя саставы з тэрмінам эксплуатацыі, што сканчаецца, на Аўтазаводскай лініі. Першыя два цягнікі з гэтай партыі ўжо прыбылі ў сталіцу ў канцы мінулага тыдня, яшчэ два даставяць у снежні, пішуць Мінск-навіны.
У чым іх асаблівасці? Вагоны маюць шырокія дзвярныя праёмы (1 400 мм) і скразныя міжвагонныя пераходы (шырынёй да 1 500 мм). У канструкцыі ўжываюцца асінхронныя цягавыя электрарухавікі расійскай вытворчасці, дзвярныя механізмы расоўнага тыпу з сістэмай супрацьзаціскання.
У салоне ўстаноўленыя эрганамічныя сядзенні, поручні з «цёплым» пакрыццём. Акрамя таго, у наяўнасці сучасныя сістэмы адаптыўнага асвятлення, забеспячэння мікраклімату з абеззаражваннем паветра, відэаназірання, выяўлення і тушэння пажару, інфармавання пасажыраў, а яшчэ USB-разеткі для зарадкі гаджэтаў.
Дарэчы, пры кіраванні цягнікамі даступная функцыя аўтавядзення (цягнік сам разганяецца і тармозіць, спыняецца ў патрэбным месцы). У салоне абяцаюць надзейную шума– і цеплаізаляцыю.
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі21
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4949
Каментары
[Зрэдагавана]