Украіна ўпершыню афіцыйна пацвердзіла нанясенне ўдараў па тэрыторыі Расіі з дапамогай новых ракет уласнай распрацоўкі — «Фламінга». Пра гэта паведаміў Генеральны штаб Узброеных сіл Украіны, апублікаваўшы відэа і фота запуску.
Удары былі нанесеныя ў ноч на 13 лістапада па некалькіх дзесятках цэляў, у тым ліку па аб’ектах у акупаваных Крыме, Луганскай і Запарожскай абласцях, а таксама па тэрыторыі Расіі — у раёне горада Арол.
Сярод аб’ектаў, якія пацярпелі ад гэтых удараў, — нафтабаза, радыёлакацыйная станцыя, аэрадром і палігон беспілотнікаў. Пакуль што Генштаб удакладняе памер нанесенай шкоды.
Гэта першы выпадак, калі Кіеў адкрыта прызнаў выкарыстанне сваіх уласных ракетных сістэм — «Фламінга», «Барс» і «Люты».
Раней паведамлялася, што менавіта вынікам працы «Фламінга» было пашкоджанне памежная базы ФСБ паблізу Армянска ў Крыме, але афіцыйна гэта не пацвярджалася.
Паводле афіцыйных звестак, ракета «Фламінга» мае далёкасць палёту да 3000 км і можа несці боегалоўку вагой каля 1150 кілаграмаў, што дазваляе ёй тэарэтычна дасягаць Масквы або Санкт-Пецярбурга.
Запуск адбыўся на фоне карупцыйнага скандалу, калі адзін з блізкіх да прэзідэнта Уладзіміра Зяленскага людзей Цімур Міндзіч, саўладальнік кампаніі Firepoint, якая вырабляе «Фламінга», з'ехаў з краіны пасля пачатку расследавання супраць яго.
Цяпер чытаюць
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі50
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя2020
Каментары
-Ваня, пора на войну
-А с кем воюем?
-С фашистами 🇷🇺.
- Отлично! А против кого?"