«Прыбраў — штраф. Не прыбраў — штраф». Людзі абураюцца загадамі наконт лісця
Увядзенне штрафаў за няправільную ўтылізацыю апалага лісця выклікала гарачае абмеркаванне.
Згодна з заканадаўствам, ва ўладальнікаў зямельных участкаў ёсць толькі дзве законныя магчымасці разабрацца з лісцем: або на кампост, або падпісанне дамовы з юрыдычнай асобай, якая займаецца вывазам камунальных адкідаў. За іншыя спосабы — ад спальвання ці выкіду ў сметнік да вывазу ў лес — прадугледжаны штраф.
У тыктоку пад ролікам з гэтай інфармацыяй людзі выказваюць прапановы, сумняваюцца ў праўдзівасці і жартуюць. Мы сабралі найбольш адметнае.
«Калі за паветра будзем плаціць?»
«Ужо не ведаюць, за што грошы з людзей браць. Гэтай зімой будзем за снег плаціць». Гэтая рэпліка набрала звыш 900 лайкаў.
«За ўсё трэба плаціць», — заўважае іншы карыстальнік і пытаецца: «А калі за паветра будзем плаціць?» Яго падтрымала амаль 240 іншых гледачоў.
«Прыбраў лісце = штраф. Не прыбраў лісце = штраф. Сам пазбавіўся лісця = штраф. Атрымаў штраф = штраф. Не атрымаў штрафу = штраф», — падсумоўвае рэчаіснасць іншы. І яго падтрымала больш за 620 гледачоў.
Яшчэ адзін звяртае ўвагу на тое, што ўладальнікі сваіх участкаў штосезон за нешта плацяць. І цікавіцца, што ж прыдумаюць, каб узяць з людзей грошы вясной.
«Улетку — трава, увосень — лісце, узімку — снег, а ўвесну за што плаціць будзем?»
«Хто прыдумаў гэтую лухту?» — выказвае нехта абурэнне.
«Самыя галоўныя дармаеды краіны», — адказваюць яму.
«Хто ім у галаву такія ідэі падкідае?» — цікавяцца людзі.
«Усё жыццё палілі лісце»
Многія заўважаюць, што спальваць лісце — даўняя практыка.
«Усё жыццё палілі лісце».
«Усё жыццё палілі, а цяпер нельга, дык мне што? Есці іх?»
«Усё жыццё лісце спальвалі, а тут ужо ад лісця ўсё дрэнна. Можа, і дрэвы ўжо шкоду прыносяць».
Што рабіць?
Некаторыя весела прапануюць не саджаць дрэў ці высечы іх, каб не было праблемы з лісцем.
«Ёсць яшчэ адзін варыянт — спілаваць дрэвы, бо прыбіраць становіцца ўсё даражэй».
«Не саджаць дрэваў, не будзе праблем».
«Ну ўсё… Трэба высякаць дрэвы».
«Спілуем усе дрэвы, дый годзе».
Але на гэта ім адказваюць:
«Высякаць дрэвы таксама нельга. Штраф».
Адзін з гледачоў прапануе «пакінуць лісце ў спакоі». Паводле яго словаў, «да вясны яно перапрэе пад снегам і ўгноіць газон».
«Варыянт закапаць у зямлю на ўчастку таксама ёсць», — нагадвае іншы.
Ёсць і тыя, хто глядзіць на сітуацыю з гумарам:
«Мы сушым і зімой ямо, а куды іх яшчэ можна падзець, калі вакол адныя штрафы?» — заўважае нехта.
«Самакруткі яшчэ можна рабіць», — падказвае іншы.
«Я сваё лісце ў кішэнях паціху на працу важу».
Некаторыя не вераць і сцвярджаюць, што гэта дэзінфармацыя.
А адзін глядач сцвярджае, што «Лукашэнка дазволіў спальваць на ўчастку сухую траву ў кантэйнеры ці ў металічнай ёмістасці». Але гэта няпраўда.
Цяпер чытаюць
«Я не прысвойваў сабе мільён». 17‑гадовы блогер з Гродна, які збіраў грошы на лячэнне дзіцяці, распавядае сваю версію1
«Я не прысвойваў сабе мільён». 17‑гадовы блогер з Гродна, які збіраў грошы на лячэнне дзіцяці, распавядае сваю версію
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне6666
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне66
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары
Хрен кто меня оштрафует
Зато относительно чисто в округе,и мне приятно.