На трасе М-6 Мінск — Гродна хутка завершацца работы па абсталяванні раздзяляльнай паласы, адзначыў NewGrodno.by.
Newgrodno.by
На аўтатрасе ўсталююць бар’ерныя агароджы і ўкладуць асфальт на раздзяляльнай паласе.
Паводле інфармацыі галоўнага інжынера ДЭУ №51 прадпрыемства «Гроднааўтадар» Аляксандра Говіна, фінальны ўчастак з 255‑га па 260‑ы кіламетр плануецца цалкам завяршыць да канца года.
«Асноўная мэта выкананых работ — выключыць магчымасць лабавога сутыкнення, гэта найбольш небяспечны від ДТЗ», — адзначыў спецыяліст.
На пад’ездзе да Гродна абмежаванні руху будуць знятыя на працягу бліжэйшых двух тыдняў.
Пасля завяршэння работ на ўсёй працягласці трасы разглядаецца магчымасць павышэння хуткаснага рэжыму на асобных участках.
Каментары