Лукашэнка сказаў, што адкрыццё польска-беларускай мяжы павінна было суправаджацца абменам Андрэя Пачобута і кагосьці з палякаў на беларускіх шпіёнаў, затрыманых у Польшчы Але цяпер, маўляў, дамоўленасці адмяняюцца, бо Польшча адклала адкрыццё мяжы ў знак салідарнасці з Літвой.
«У нас з палякамі былі кантакты. Яны просяць там гэтых Пачобутаў, шпіёнаў прызнаюць. Яны затрыманыя. «Аддайце, [просіць польскі бок]». Мы ім кажам: «Ну добра, там 2‑3 чалавекі нашых ёсць. Вяртайце. Зробім абмен». Таксама ж сем'і і гэтак далей. Разведка была, ёсць і будзе. Я гэта прызнаю, паважаю. Добра, абмяняем. Пачобута хочаце — мы гатовыя пайсці і на гэта. «Ой, дзякуй вам і іншае, мы гатовыя з вамі размаўляць, мы адкрываем пункты пропуску, яшчэ чагосьці», — расказваў Лукашэнка пра нібыта ход перамоў з палякамі.
Аднак пасля пазіцыя польскага боку нібыта раптам без дай прычыны змянілася.
«Учора пад ночы мне дакладвае КДБ: «Не, яны адступілі ад гэтай пазіцыі ў знак салідарнасці з Літвой за гэтыя вось шарыкі». Я кажу: перадайце ім прывітанне. Адступілі — ну і мы адступім. Мы на паўзу ставім. Калі паспееце — прыходзьце, будзем з вамі размаўляць».
«Мы адкрытыя да гэтага дыялогу і размовы без нагнятання сітуацыі. Не таму, каб лоб у лоб. Гэта не трэба. Я не прыхільнік гэтага. Заўсёды трэба шукаць кампрамісы. Але адступаць можна да сценкі, пакуль ты не ўпрэшся ў нешта. Ну, я адступаю. Але гэтая сценка — усё, — заявіў Лукашэнка. — І потым, калі ты ім робіш нейкія крокі, чалавечыя крокі, яны гэта не разумеюць. Яны гэта разумеюць як слабасць. І амерыканцы, і ўсе іншыя. Ды не ў слабасці справа. Але я не магу далей адступаць. Не магу».
Адступіць жа ён не можа, бо гэтага не зразумее атачэнне:
«Я амерыканцам кажу: у мяне свае людзі ёсць, якія ацэньваюць мяне па канкрэтных кроках. Яны бачаць: «А, Лукашэнка там гэта адступіць, гэтага, гэтага вызваліў… А навошта, а не трэба, няхай бы сядзеў». А яны ж не валодаюць той інфармацыяй, а я вочы ў вочы не магу ім усё гэта расказаць».
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі65
Аляксандр Лукашэнка так ляснуўся на лёд на хакеі, што трыбуны замерлі
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары