Прэзідэнт ЗША Дональд Трамп вырашыў накіраваць на Блізкі Усход дадатковыя сілы — каля пяці тысяч амерыканскіх марскіх пехацінцаў, а таксама некалькі вайсковых караблёў. Запыт на перакіданне войскаў, які паступіў ад Цэнтральнага камандавання ЗША, ужо ўхваліў кіраўнік Пентагона Піт Хегсэт, піша The Wall Street Journal са спасылкай на трох амерыканскіх чыноўнікаў.
Паводле паведамленняў, дэсантны карабель USS Tripoli, што базуецца ў Японіі і перавозіць марскіх пехацінцаў, ужо накіроўваецца ў рэгіён, дзе і без таго знаходзяцца іншыя падраздзяленні ЗША.
Хоць Трамп раней публічна сцвярджаў, што наземная аперацыя ў Іране была б «марнай тратай часу», паводле інфармацыі крыніц, у неафіцыйных размовах ён разглядае магчымасць абмежаванай прысутнасці амерыканскіх войскаў у Іране. Гаворка не ідзе пра поўнамаштабнае ўварванне. Разглядаецца сцэнар, пры якім ЗША маглі б узяць пад кантроль запасы іранскага ўрану, а пасля вайны — наладзіць супрацоўніцтва з Тэгеранам у нафтавай сферы па прыкладзе адносін з Венесуэлай.
Рашэнне аб узмацненні вайсковай прысутнасці прынята на фоне рэзкага абвастрэння сітуацыі ў Армузскім праліве — важным марскім шляху, праз які праходзяць каля 20% сусветных паставак нафты. Іран актывізаваў атакі на караблі ў праліве і фактычна паралізаваў у ім суднаходства, што прывяло да росту коштаў на нафту. Раней Трамп заяўляў, што ЗША могуць суправаджаць танкеры праз праліў, а 13 сакавіка нават прыгразіў нанесці па Іране «вельмі моцныя ўдары» на працягу наступнага тыдня.
Унутры амерыканскай адміністрацыі пры гэтым няма поўнай згоды наконт мэт і працягласці ваеннай кампаніі. Паводле інфармацыі журналістаў, сам Трамп схіляецца да таго, каб працягваць канфлікт яшчэ некалькі тыдняў, разлічваючы аслабіць Корпус вартавых ісламскай рэвалюцыі настолькі, каб у Іране магло пачацца ўнутранае паўстанне. Аднак яго супярэчлівыя заявы часта бянтэжаць нават бліжэйшых дарадцаў.
Паведамляецца, што ў атачэнні Трампа цяпер існуюць тры групы з рознымі пазіцыямі:
- «ястрабы», якія патрабуюць жорсткіх ваенных дзеянняў;
- палітычныя дарадцы, якія хвалююцца пра рост коштаў на паліва і магчымыя наступствы для выбараў;
- папулісты, што заклікаюць не ўцягвацца ў доўгі і цяжкі канфлікт.
Трамп дапускае, што Пуцін «крыху» дапамагае Ірану
Трамп заявіў, што яго больш не цікавіць Нобелеўская прэмія міру
Зяленскі заклікаў Трампа для заканчэння вайны мацней ціснуць на Пуціна, а не на яго
«Адсячэш адну галаву — вырастаюць новыя». Як кіраўніцтва Ірана пабудавала сістэму, якая дазваляе ўтрымліваць уладу
Трамп: ЗША ўжо атрымалі перамогу над Іранам
Цяпер чытаюць
Свецкае жыццё Дар’і Шманай: дні нараджэння дзяцей Кіркорава і Comedy Club2
Каментары