Польскія экаактывісты з руху «Апошняе пакаленне», вядомыя блакаваннем дарог, спынілі практыку прыклейвання сябе да асфальту. Прычынай стала новая радыкальная тактыка паліцыі.
У Польшчы, як і па ўсёй Еўропе, набраў папулярнасць экалагічны рух «Апошняе пакаленне» (Ostatnie pokolenie), найбольш вядомы сваімі радыкальнымі акцыямі, Аднымі з найбольш рэзанансных акцый яго ўдзельнікаў сталі блакаванні буйных дарог, падчас якіх актывісты прыклейвалі свае далоні да асфальту, каб максімальна ўскладніць працу паліцыі.
Спачатку праваахоўнікі патрацілі шмат гадзін на тое, каб асцярожна вызваліць пратэстоўцаў і ачысціць іх рукі ад клею. Пазней тактыка змянілася: паліцэйскія пачалі агароджваць прыклееных актывістаў дарожнымі конусамі і стужкамі проста на праезнай частцы, каб забяспечыць бяспеку руху, і павольна на працягу доўгіх гадзін адклейвалі іх ад асфальту.
Аднак у гэтым годзе польская паліцыя з дапамогай пажарных перайшла да новага, значна больш жорсткага метаду. Цяпер яны чакаюць, пакуль клей канчаткова зацвярдзее, а затым пажарныя зразаюць клей вакол рукі актывіста разам з часткай асфальту. Пасля гэтага пратэстоўца адпраўляюць дадому, каб ён самастойна вырашаў праблему з часткай дарожнага пакрыцця на руцэ.
Trasa S8, 9.05
Pierwsza protestująca zdjęta z ulicy z kawałkiem asfaltu pic.twitter.com/pje4FEbo8v
Так, у маі гэтага года актывісты некалькі разоў перакрывалі хуткасную дарогу S8 у Варшаве. На адным з відэа пасля падобнай акцыі ўдзельніца Юлія скардзіцца, што пратэстоўцы «сутыкнуліся з велізарным гвалтам»:
«Кіроўцы выцягвалі нас, цягнулі за валасы. Мяне некалькі разоў сілай адрывалі ад асфальту. Пазней мяне адклеіла паліцыя разам з кавалкам дарогі».
Дзяўчына дэманструе сваю руку, цалкам пакрытую застылым клеем з рэшткамі асфальту, але заяўляе, што будзе і надалей удзельнічаць у падобных акцыях.
Przemoc, której doświadczyły dzisiaj działaczki stanie się normą, jeśli dopuścimy do zapaści klimatycznej pic.twitter.com/tjapNTHXM3
У сацыяльных сетках ініцыятывы можна знайсці і іншыя фота маладых людзей з кавалкамі асфальту на руках, што сведчыць пра сістэмнае выкарыстанне паліцыяй новай тактыкі.
Здаецца, новая тактыка паліцыі дасягнула сваёй мэты. Як сведчаць відэа з пазнейшых акцый «Апошняга пакалення», іх удзельнікі па-ранейшаму блакуюць рух, але ўжо не рызыкуюць прыклейваць сябе да дарогі.
Каментары