Малады ратавальнік з Асіповічаў стаў Бульбашом і загінуў на вайне за Расію
На вайне ва Украіне загінуў Сяргей Сімакоў.
Сяргей Сімакоў паспеў адзначыцца ў чорным спісе ў асіповіцкім пабліку ў 2023 годзе — хлопцу прыпісвалі махлярства, паведамляе тэлеграм-канал «Віцебск, я гуляю».
Ужо ў 2024 годзе Сяргей пазіраваў у вайсковай форме расійскага наёмніка — пазыўны выбраў «Бульбаш».
Загінуць ён мог яшчэ ў красавіку гэтага года (а, можа, нават і папярэдняга), як вынікае з каментарыяў пад яго фота, але ўкраінскі праект датай прызнання яго загінулым называе 5 чэрвеня 2025 года.
У любым выпадку не стала яго ў зусім маладым узросце — 23—24 гадоў.
У Беларусі ён працаваў у МНС.
Каментары