Зяленскі даручыў Сырскаму разгледзець пытанне стварэння ў Адэсе ваеннай адміністрацыі
Прэзідэнт Украіны даручыў галоўнакамандуючаму УСУ Аляксандру Сырскаму разгледзець пытанне магчымасці стварэння Адэскай гарадской ваеннай адміністрацыі, піша «Украінская праўда».
24 верасня грамадзянін Іван Казачук падаў прэзідэнту Украіны петыцыю, у якой заклікаў стварыць у Адэсе гарадскую ваенную адміністрацыю «для забеспячэння бесперапыннага і эфектыўнага функцыянавання органаў улады ў горадзе Адэса ва ўмовах ваеннага становішча».
Сваю просьбу ён аргументаваў тым, што горад мае стратэгічнае значэнне як «вялікі транспартны, партовы і лагістычны цэнтр на поўдні Украіны», а таксама знаходзіцца «ў непасрэднай блізкасці да раёнаў вядзення баявых дзеянняў і тэрыторый з павышаным узроўнем пагроз», акрамя таго, «эфектыўнае і бесперапыннае функцыянаванне органаў улады ў горадзе з’яўляецца пытаннем нацыянальнай бяспекі і абароны».
Петыцыю падтрымалі больш за 25 тысяч украінцаў, што неабходна, таму Зяленскі даў на яе адказ і даў даручэнне Сырскаму.
Цяпер чытаюць
Хто з беларусаў трапіў на прыём да прэзідэнта Польшчы ШМАТ ФОТА37
Каментары