Ураджэнку Беларусі завочна асудзілі ва Украіне да 15 гадоў за здраду
Яна кіравала акупацыйнай адміністрацыяй Еўпаторыі ў анексаваным Крыме.
Ва Украіне да 15 гадоў пазбаўлення волі за дзяржаўную здраду завочна асудзілі кіраўніка акупацыйнай адміністрацыі Еўпаторыі (Крым) Алену Дзямідаву, піша «Крымскі вецер».
Служба бяспекі Украіны ўстанавіла, што 52‑гадовая ўраджэнка Беларусі доўгі час пражывала ў горадзе Еўпаторыя і да пачатку поўнамаштабнага ўварвання Расіі займала кіруючыя пасады ў мясцовых навучальных установах.
Пасля захопу паўвострава яна згадзілася на прапанову прадстаўнікоў акупацыйных уладаў і прыняла ўдзел у так званым «конкурсе на замяшчэнне пасады кіраўніка адміністрацыі Еўпаторыі і была прызначана «кіраўніцай» незаконнага органа ўлады.
«Знаходзячыся на гэтай пасадзе з 29 снежня 2022 г. па 16 лютага 2024 г., фігурантка дапамагала акупацыйным уладам, арганізоўвала прапагандысцкія мерапрыемствы сярод мясцовага насельніцтва і распаўсюджвала антыўкраінскія матэрыялы ў падтрымку дзяржавы-агрэсара», — паведаміла СБУ.
Цяпер чытаюць
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве4
Каментары