Намеснікам мэра Мінска стане Камендант — Лукашэнка ўзгадніў прызначэнне прадстаўнікоў вертыкалі
Сёння адбыўся кадравы дзень. Аляксандр Лукашэнка ўзгадніў назначэнне новых кіраўнікоў мясцовай вертыкалі, піша БелТА.
На пасаду першага намесніка старшыні Мінскага гарвыканкама замест Надзеі Лазарэвіч узгоднены Аляксандр Камендант. Да гэтага часу ён быў старшынёй камітэта эканомікі Гродзенскага аблвыканкама.
Аляксандр Новікаў зойме пасаду старшыні Гомельскага райвыканкама. Да гэтага ён кіраваў ААТ «Гомсельмаш».
Жыткавіцкі райвыканкам узначаліць Уладзімір Антоненка. Раней ён узначальваў Нараўлянскі райвыканкам.
У сваю чаргу, Нараўлянскі райвыканкам узначаліць Дзяніс Ядчанка. Раней — намеснік старшыні Нараўлянскага райвыканкама па пытаннях будаўніцтва і ЖКГ.
На пасаду старшыні Лоеўскага райвыканкама ўзгоднены Мікалай Клімёнак. Раней ён займаў пасаду намесніка старшыні камітэта па сельскай гаспадарцы і харчаванні Гомельскага аблвыканкама.
Зэльвенскі райвыканкам узначаліць Юрый Кастоламаў. Да гэтага часу ён быў дырэктарам прадпрыемства «Ханчыцы-Нёман» Свіслацкага раёна.
Андрэй Гардзей узгоднены на пасаду старшыні Смаргонскага райвыканкама. Да гэтага ён займаў аналагічную пасаду ў Карэліцкім раёне.
У сваю чаргу Карэліцкі раён узначаліць Аляксандр Курыла. Раней — першы намеснік старшыні — начальнік упраўлення сельскай гаспадаркі і харчавання Бераставіцкага райвыканкама.
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары