Італьянская актрыса Клаўдыя Кардынале памерла ва ўзросце 87 гадоў у атачэнні дзяцей у французскім горадзе Немур каля Парыжа. Пра гэта вечарам у аўторак паведаміў яе агент Ларан Савры агенцтву AFP.
Клаўдыя Кардынале нарадзілася 15 красавіка 1938 года ў Ла-Гулетце каля Туніса. У 17 гадоў, перамогшы ў конкурсе прыгажосці, была прызнана «самай прыгожай італьянкай Туніса» і выйграла паездку на Венецыянскі кінафестываль. Там яна прыцягнула ўвагу адразу некалькіх рэжысёраў.
Яна праславілася ў 1963 годзе, зняўшыся ў фільме Федэрыка Феліні «8 1/2», які атрымаў «Оскар».
Лукіна Вісконці зняў з Кардынале фільмы «Рока і яго браты» і «Леапард». Актрыса таксама ўвайшла ў гісторыю кіно дзякуючы ролі ў класічным вестэрне Серджыа Леоне «Аднойчы на Дзікім Захадзе» 1969 года. Амерыканская публіка ведала яе ў першую чаргу па фільме «Ружовая пантэра».
Клаўдыя Кардынале была ўдастоена Залатога льва ў Венецыі ў 1993 годзе і Залатога мядзведзя ў Берліне ў 2002 годзе.
Цяпер чытаюць
Пад ціскам мужа Святлана Ціханоўская адмяніла інтэрв'ю CNN і працягнула размову з беларусамі ў Нью-Ёрку30
Каментары