25‑гадовы палітвязень Мікіта Емяльянаў за кратамі страчвае зрок
25‑гадовы юнак, які знаходзіцца за кратамі з 2019 года, рызыкуе страціць здароўе незваротна, піша «Вясна».
Цяпер Мікіта адбывае пакаранне ў калоніі № 11 у Ваўкавыску.
У палітвязня ў яго маладым узросце пагарашаецца здароўя. У турэмных камерах Мікіта пачаў губляць зрок. Два апошнія гады яму забаранялі атрымліваць медыцынскія бандэролі: ні вітамінаў, ні неабходных прэпаратаў. Гэта значыць, што ўлады наўмысна пазбаўляюць яго элементарнай падтрымкі арганізму.
Палітычны пераслед актывіста анархісцкага руху Мікіты Емяльянава пачаўся 20 кастрычніка 2019 года. Тады 19‑гадовага хлопца па трох крымінальных артыкулах асудзілі на сем гадоў калоніі, але пасля апеляцыі тэрмін скарацілі да чатырох гадоў. За час знаходжання ў турме яго неаднаразова змяшчалі ў штрафныя ізалятары, ён абвяшчаў галадоўкі, двойчы пераводзіўся на турэмны рэжым і двойчы судзіўся за «злоснае непадпарадкаванне патрабаванням адміністрацыі калоніі» (арт. 411 КК). Ён павінен быў выйсці на волю ў гэтым годзе, але яго зноў асудзілі. У выніку Мікіта правёў за кратамі амаль шэсць гадоў, а яго вызваленне пастаянна адсоўваецца.
У траўні 2021 года хлопца перавялі ў Магілёўскую турму, дзе ўмовы яшчэ больш пагоршыліся. Адміністрацыя турмы пастаянна накладала спагнанні: ён доўгі час утрымліваўся ў штрафных ізалятарах без матраца, свежага паветра і сувязі з роднымі. Каб пратэставаць супраць такіх умоў, Мікіта абвяшчаў галадоўкі, адна з якіх працягвалася 20 дзён.
Пасля ўлады завялі на яго новую крымінальную справу па артыкуле 411 КК — «злоснае непадпарадкаванне патрабаванням адміністрацыі». У сакавіку 2022 года яго асудзілі яшчэ на два гады. У 2023 годзе суд у Ваўкавыску зноў перавёў яго на турэмны рэжым, і ўмовы сталі яшчэ цяжэйшыя. У студзені 2025 года Мікіту зноў асудзілі па тым жа артыкуле, дадаўшы яшчэ адзін год, і агулам ён атрымаў сем гадоў зняволення — той самы тэрмін, які атрымаў першапачаткова і які быў зменшаны апеляцыяй.
На палітзняволеных анархістаў у калоніях моцна ціснуць, яны баяцца за сваё жыццё
«Змены будуць тады, калі беларусы перастануць слухаць «Рускае радыё» з жудаснай рускай папсой». Вялікая гутарка з маці анархіста Мікіты Емяльянава
На волю выйшаў палітвязень Іван Комар, якога судзілі разам з Мікітам Емельянавым
«Яго ідэалам быў Каліноўскі». Мама палітвязня Емяльянава расказала пра сына-анархіста і сваю працу ў міліцыі
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
Каментары
А наша моладзь у гэты час слепне ў турмах, атрымліваючы новыя тэрміны прама ў турме.