Мікіта Емяльянаў спыніў галадоўку, але яго працягваюць утрымліваць у ШІЗА
24 лютага стала вядома, што палітзняволенаму анархісту Мікіту Емяльянаву дадалі яшчэ 10 сутак штрафнога ізалятара. Ён прабудзе там да 4 сакавіка. Вядома, што хлопец спыніў галадоўку, якую трымаў з 3 лютага, паведамляюць праваабаронцы.
Маці патізняволенага атрымала два адказы на свае скаргі ад адміністрацыі турмы №4 за подпісам начальніка Аляксандра Лаўэра.
У першым адказе значыцца, што Мікіта абвясціў галадоўку, яго паводзіны носяць «установачны, дэманстратыўна-шантажны характар, што ў наступстве можа нанесці шкоду яго здароўю». Родным хлопца прапаноўвалася ў пісьмовай форме паведаміць сыну пра неабходнасць спынення галадоўкі з мэтай захавання здароўя.
Пасля гэтага кіраўніцтвам быў дасланы ліст, дзе было ўказана, што першы адказ — памылковы. Быў дасланы другі адказ, у якім ужо адзначалася, што Мікіта спыніў галадоўку і на 25 лютага яго стан задавальняючы, за ім працягваюць назіраць медыкі.
-
«А Лукашэнка не ў курсе, адкуль быў напад на гэту асфальтаваную дарогу?» У вёсцы правялі велапрабег — але ўся ўвага дасталася дарозе
-
Мільянер Варабей атрымаў права на забудову цэнтра Мінска — узамен за дарагую клініку для Лукашэнкі
-
Мінчукі ў чаце паскардзіліся на працу паліклінікі. Прапаганда абвінаваціла ў чэргах саміх наведвальнікаў
Каментары