Палітзняволенага Мікіту Емяльянава асудзілі да двух гадоў калоніі за «злоснае непадпарадкаванне адміністрацыі папраўчай установы»
Анархіста Мікіту Емяльянава асудзілі на два гады пазбаўлення волі па ч. 2 арт. 411 Крымінальнага кодэкса, а канчаткова прызначылі пакаранне па сукупнасці прысудаў шляхам поўнага складання з раней неадбытым пакараннем ў выглядзе трох з паловай гадоў калоніі з адбываннем ва ўмовах узмоцненнага рэжыму, паведамляюць праваабаронцы.
Менавіта такі тэрмін запрасіў пракурор. Справу разглядала суддзя Аксана Ратнікава.
Мікіта Емяльянаў — актывіст анархісцкага руху, асуджаны 12 лютага 2020 года судом Савецкага раёна г. Мінска да 7 гадоў пазбаўлення волі ў калоніі ўзмоцненага рэжыму.
27 сакавіка Мінгарсуд па апеляцыйнай скарзе зменшыў тэрмін Мікіту — да 4 гадоў калоніі ўзмоцненага рэжыму.
А з 9 чэрвеня 2020 года ён быў пераведзены на строгі турэмны рэжым у Магілёўскую турму №4.
Беларуская праваабарончая супольнасць прызнала Мікіту Емяльянава палітычным зняволеным і выступіла з патрабаваннем неадкладнага перагляду яго прысуду.
Каментары