У чацвер на пляжы каля Вентспілса на Балтыцы быў знойдзены абломак дрона Тэрыторыю ачапілі, піша Delfi.lv.
Паводле папярэдняй інфармацыі, пагрозы на месцы не выяўлена. Паліцыя мяркуе, што абломак быў выкінуты морам.
Былі праінфармаваныя адказныя службы, а на месца здарэння накіравана група па нейтралізацыі боепрыпасаў Нацыянальных узброеных сіл Латвіі (НУС).
Паводле даных НУС, з мора быў выкінуты абломак хваставой часткі дрона «Гербера».
На распаўсюджаным НУС фота бачная частка дрона з рухавіком, а на яго хваставой частцы — дзве літары «ы» кірыліцай і некалькі лічбаў.
Як паведаміў міністр абароны Латвіі Андрыс Спрудс, спецыялісты Нацыянальных узброеных сіл (НУС) на месцы пацвердзілі, што аб’ект не ўяўляе небяспекі. Пры гэтым у сувязі з інцыдэнтам НУС працягваюць супрацоўніцтва з Дзяржпаліцыяй.
«Наш прыярытэт — умацаванне ўсходняй мяжы, але відавочна, што не менш важна забяспечваць ахову ўзбярэжжа Балтыйскага мора», — пракаментавала выяўленне абломка дрона ў твітары прэм’ер-міністр Эвіка Сіліня.
Прэм’ер даручыла міністрам абароны і ўнутраных спраў звязацца з калегамі ў Польшчы, каб высветліць, ці не адносіцца дрон да таго ж тыпу, што быў знойдзены ў Польшчы на мінулым тыдні.
Цяпер чытаюць
Што расказваў Статкевіч суседзям у ноч перад выездам на мяжу28
Каментары