У сацсетках з’явіліся відэа, на якіх у шакаладках «Камунаркі» бачныя лічынкі харчовай молі. Вытворца быў вымушаны тлумачыць сітуацыю, піша Ofiice Life.
Кампанія адрэагавала на сітуацыю, адзначыўшы, што на прадпрыемстве строга выконваюцца санітарныя і гігіенічныя нормы: абсталяванне і інвентар мыюцца і дэзынфікуюцца пасля кожнай змены, праводзяцца месячныя санітарныя дні, заключаныя дамовы на прафесійную дэзынсекцыю і дератызацыю. Праверка паказала, што на фабрыцы няма слядоў шкоднікаў.
Усе прадукты перад пастаўкай у крамы праходзяць кантроль па фізіка-хімічных, арганалептычных і бяспечных паказчыках, што пацвярджаюць таксама незалежныя лабараторыі.
Спецыялісты растлумачылі, што лічынкі ў шакаладзе, паказаным на відэа, з’явіліся не больш за 20 дзён таму і маглі быць выкліканыя парушэннем умоў захоўвання, няправільным суседствам тавараў (напрыклад, побач з арэхамі ці мукой) або недастатковай санітарнай чысцінёй.
Кампанія нагадвае, што за правільныя ўмовы захоўвання і рэалізацыі прадукцыі адказваюць таксама гандлёвыя пункты і спажыўцы. Пры гэтым гарантыя на прадукцыю дзейнічае пры захаванні ўсіх патрабаванняў па захоўванні.
Пакупнікам рэкамендуюць звяртацца ў краму для праверкі ўмоў захоўвання або самастойна праверыць шакалад дома і пры неабходнасці прыняць меры.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6363
Каментары
Я размаўляў з адным камунаркаўцам, той казаў, што на фабрыцы гэта вялікая праблема, і што вытворчыя памяшканьні час ад часу апрацоўваюць нейкім газам. Тым ня менш праблема застаецца.
За которые не только личинки моли заведутся, но и детей-погодок выносить можно.