Па стане на 06:00 на пераходзе «Брэст» на польскай мяжы на выезд з Беларусі стаяць 3550 легкавых машын і 55 аўтобусаў.
Такой вялікай чаргі ніколі не было. Прычым 13 жніўня была пераадолена мяжа ў 3000 аўто.
Днём 14 жніўня з зоны чакання выязджалі машыны, якія занялі чаргу вечарам 8 жніўня, то бок амаль праз шэсць сутак. Атрымліваецца, што ў сярэднім за суткі чарга прасоўвалася прыкладна на 450 машын.
У прыгранічных чатах пішуць, што цягам апошніх двух сутак хуткасць афармлення знізілася, і за суткі з зоны чакання выязджае ўсяго каля 320 легкавікоў.
Атрымліваецца, што тыя, хто цяпер займае месца ў электроннай чарзе, змогуць трапіць у Польшчу толькі праз 7—8 сутак.
Выраслі апошнім часам чэргі і на літоўскай мяжы. У «Каменным Логу» стаяць 190 легкавых машын, у «Беняконях» — 170. Чэргаў з аўтобусаў няма.
На латвійскай мяжы ў «Грыгараўшчыне» чэргаў няма.
Модная мінская кавярня «Маркс» трапіла ў скандал: адтуль папрасілі сысці жанчыну, якая малявала. Але ўсё не так адназначна18
Каментары