Памэла Андэрсан пачала сустракацца з вядомым галівудскім акцёрам, старэйшым за яе на 15 гадоў
Раман пачаўся пасля здымак новай стужкі. Яе спадарожнік яшчэ ўвосень прызнаўся, што закаханы.
Паводле выдання People, у Галівудзе з’явілася новая пара — Памэла Андэрсан і Ліям Нісан (ён атрымаў «Оскара» за ролю ў фільме «Спіс Шындлера»). Раней акцёры выканалі галоўныя ролі ў новай камедыі «Голы пісталет» (The Naked Gun), дзе Нісан сыграў лейтэнанта Фрэнка Дрэбіна-малодшага, а Андэрсан — яго каханую Бэт.
Зараз зоркі актыўна прасоўваюць новы фільм, які выйдзе ў шырокі пракат 1 жніўня. На чырвонай дарожцы ў Нью-Ёрку 28 ліпеня яны з’явіліся разам са сваімі дзецьмі: у 58-гадовай Андэрсан два сыны ад першага шлюбу з Томі Лі (Брэндан, 29, і Дылан, 27), у 73-гадовага Нісана — два сыны ад нябожчыцы Наташы Рычардсан (Майкл, 30, і Даніэль, 28).
Наступнага ранку падчас удзелу ў праграме Today акцёры зрабілі выгляд, нібыта іх засталі за пацалункам у жывым эфіры. Раней, на прэм’еры фільма ў Лондане 22 ліпеня Андэрсан на чырвонай дарожцы пяшчотна пацалавала Нісана ў шчаку,
У інтэрв’ю для People ў кастрычніку 2024 года Ліям Нісан адкрыта прызнаўся:
«Шчыра кажучы, я па-вар'яцку закаханы ў яе. Яна проста выдатная ў працы. Я не стамляюся захапляцца ёю — скажу вам шчыра. Ніякага вялізнага эга. Яна проста прыходзіць і працуе. Яна вясёлая і вельмі лёгкая ў зносінах».
Андэрсан у сваю чаргу назвала Нісана «сапраўдным джэнтльменам» і дадала, што ён «раскрывае ў табе найлепшае праз павагу, дабрыню і глыбіню вопыту».
У інтэрв'ю Entertainment Weekly актрыса адзначыла, што лічыць Нісана сябрам на ўсё жыццё, дадаўшы: «У нас дакладна ёсць сувязь — вельмі шчырая, вельмі цёплая. Ён добры чалавек».
У маі Андэрсан падзялілася з журналістамі тым, што іх з Нісанам аб’ядноўвае любоў да літаратуры і пачуцця гумару. Падчас здымак яны часта праводзілі вячэры разам з асістэнтамі, захоўваючы «прафесійна-рамантычны» тон узаемаадносін.
Як доўга працягнуцца адносіны — пакажа час. Пакуль што, паводле People, са спасылкай на крыніцу з блізкага асяроддзя акцёраў, раман толькі пачынаецца.
«Ён шчыры, і відавочна, што яны закаханыя», — запэўнівае інсайдар.
Канцэрт Макса Каржа пачаўся з затрымкай на дзве гадзіны. «Беларусь топ!» — крычаць і ён, і фанаты9
Каментары