Памятаеце зарослую магілу акадэміка Карскага? Моладзь з Беларусі аплаціла яе ўпарадкаванне
Пахаванне заснавальніка беларускага мовазнаўства цяпер выглядае годна. Аднак пытанне пра сістэму догляду месцаў памяці за мяжою застаецца.
Па-людску цяпер выглядае магіла акадэміка Яўхіма Карскага на пецярбургскіх Смаленскіх могілках.
Яшчэ нядаўна там буяў баршчэўнік. Пра гэта стала вядома, калі ўдзельнікі канферэнцыі «Санкт-Пецярбург і беларуская культура» паехалі пакласці кветкі на магілу акадэміка.
«Кругом усё так зарасло баршчэўнікам, што не відаць помнік — толькі вяршыня крыжа», — напісаў у фэйсбуку доктар гістарычных навук Мікалай Нікалаеў.
Цяпер пецярбуржскія беларусы знайшлі магілу дагледжанай.
У сацсетках пішуць, што ўпарадкаванне магілы праз інтэрнэт аплаціла група маладых людзей з Беларусі.
Акадэмік Яўхім Карскі (1861—1931) — лінгвіст і этнограф, аўтар шматтомнай фундаментальнай працы «Беларусы» (1903—1922), якая да сёння з'яўляецца адной з найважнейшых крыніц па гісторыі і структуры беларускай мовы.
Разавая акцыя па ўпарадкаванні магілы, аднак, пакідае адкрытым пытанне пра сістэму догляду пахаванняў вялікіх людзей Беларусі, якія спачываюць за яе межамі. Напэўна, такую сістэму трэба распрацаваць Міністэрству замежных спраў. Бо калі гэта пакідаецца на волю лёсу і залежыць ад прысутнасці, магчымасцей і ведаў беларусаў замежжа, то і ўзнікаюць сітуацыі як з магілай Карскага.
-
Закаханы ў беларускую мову матэматык і святар, які вывучыў англійскую па дэтэктывах Агаты Крысці. 100 гадоў Аляксандру Надсану
-
У Мінску з гістарычнага дома на Валадарскага знік знакаміты «балкон начальніка турмы»
-
Музей паэткі Яўгеніі Янішчыц перавезлі ў Пінск. Цяпер уся экспазіцыя змяшчаецца на дзвюх паліцах
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
Въ настоящее время простой народъ въ Бѣлоруссіи не знаетъ этого названія. На вопросъ: кто ты? простолюдинъ отвѣчаетъ — русскі, а если онъ католикъ, то называетъ себя либо католикомъ, либо полякомъ; иногда свою родину назоветъ Литвой, а то и просто скажетъ, что онъ „тутэйшій“
На западе живут литвины, на востоке — кривичи, на юге — дреговичи. Все они составляют один народ, который мы называем белорусским.»
> — Том I, раздел «Этнографические группы», стр. 13