Спальныя месцы ў «Мінск-Свеце» могуць выклікаць клаўстрафобію. Як эканомяць прастору ў сучасных кватэрах-студыях
У Мінску ўсё часцей у продажы з'яўляюцца міні-студыі, дзе спальнае месца размяшчаецца літаральна пад столлю.
Выглядае, што часы, калі сярэдні памер кватэр рос, скончыліся — таму часам нават брэжнеўкі і хрушчоўкі на фоне некаторых свежых кватэр выглядаюць прасторным жытлом.
Прынамсі ў Мінску ўсё часцей можна сустрэць умоўна двухузроўневыя кватэры-студыі.
Адзін з такіх прыкладаў — аднапакаёўка ў «Мінск-Свеце». Агульная плошча кватэры складае 35,6 м², але над паловай кватэры навісае другі ўзровень плошчай 18 м².
«Другі паверх» падзелены на тры зоны: на адной стаіць двухспальны ложак, асобна агароджаныя гардэробная з бойлерам, а ў кутку над кухоннай зонай — вузкі стол і крэсла.
У апісанні да кватэры пазначана, што вышыня столі ў ёй 3,63 метра. Праўда, тычыцца гэта толькі паловы кватэры. У ванным пакоі, прыхожай і частцы кухоннай зоны вышыня столі будзе каля 2 метраў, а на другім узроўні, адпаведна, каля 1,5 метра.
І гэта, можна сказаць, кветачкі, бо існуюць і куды больш сціплыя варыянты.
У адной з кватэр спальнае месца зрабілі над прыхожай. У выніку вышыня столі там апусцілася прыблізна да 2 метраў (мінімальная вышыня стандартных дзвярэй). А само спальнае месца нечым нагадвае антрэсоль.
У адной з такіх кватэр спальнае месца размясцілі так, што ў чалавека, які будзе там спаць, можа здарыцца прыступ клаўстрафобіі.
Цяпер чытаюць
Памерла палітзняволеная Алена Панкова. Паўгода назад яе асудзілі за ўдзел у пратэстах7
Каментары