«Трэба адштурхнуцца ад дна, але гэтага штуршка не адбываецца». На змаганне з падзяжом жывёлы выйшаў генерал Караеў
Разам з Лукашэнкам на барацьбу з падзяжом буйной рагатай жывёлы, які пасля 30-годдзя «адраджэння сяла» дасягнуў «гістарычнага максімуму», выйшлі і ў рэгіёнах. Нараду па гэтым пытанні правёў і два месяцы таму прызначаны на пасаду старшыня Гродзенскага аблвыканкама, былы міністр унутраных спраў Юрый Караеў, які падышоў да пытання па-вайсковаму рашуча.
У зале пасяджэнняў Гродзенскага аблвыканкама Караеў сабраў усіх старшыняў райвыканкамаў вобласці і іх першых намеснікаў, якія курыруюць сельскую гаспадарку. Як мэту нарады Караеў акрэсліў «падштурхоўванне на барацьбу з падзеннем буйной рагатай жывёлы», а старшыні камітэта сельскай гаспадаркі загадаў «апісаць сітуацыю і паспрабаваць раскласці яе на складнікі».
Пры гэтым Караеў адзначыў, што пісаць і паказваць праўду добра, але спыняцца на гэтым нельга. Бо праўда патрэбна толькі для таго, каб выявіць сапраўдныя прычыны «падзення» жывёлы і бачыць, з чым змагацца.
«І калі прычыны названыя, вам трэба адштурхнуцца ад дна і паплысці ўверх, але гэтага штуршка не адбываецца. Спадзяюся, вы мяне пачулі, я не павінен чуць пра выяўленне фактаў бяздзейнасці і безадказнага стаўлення да выканання кіраўнікамі сельгасарганізацый сваіх абавязкаў», — заявіў ён.
Прэс-служба аблвыканкама пры гэтым адзначыла, што на стале ў Юрыя Караева ляжыць «Працоўны сшытак Першага», дзе на кожнай старонцы ёсць цытата або тэзіс з выступу Лукашэнкі. Акрамя таго, Караеў уносіць туды задачы на дзень або проста запісвае свае разважанні.
Лукашэнка заявіў, што падзеж жывёлы ў Беларусі дасягнуў «гістарычнага максімуму»
«Ідэолагаў шмат, а на гаспадарку паставіць няма каго». Лойка пракаментавала прызначэнне Караева
Як улады чарговы раз правалілі планы ў сельскай гаспадарцы
«Якая дзяржава!» Караеў знайшоў нагоду для гонару за чыноўнікаў
Караеў: На канцэрт Паліны Гагарынай у Гродне грошы ўзялі з бізнэсу
Асуджаны за «Гаюн» да хіміі брат Ігара Лосіка ўцёк з Беларусі3
Каментары