Нерухомасць11

Калі аб'яднаць лоджыю з пакоем у кватэры, чым гэта пагражае

Некаторыя ўладальнікі кватэр, жадаючы павялічыць жылую плошчу, аб’ядноўваюць у адну прастору лоджыю і суседні пакой з пераносам радыятара з падаконнай сцяны ў іншае месца. Якімі наступствамі можа абярнуцца такая перапланіроўка, даведаліся «Мінск-Навіны» ў ЖЭУ № 3 Першамайскага раёна.

Фота: сацсеткі

Паслугі па пашырэнні пакоя за кошт лоджыі або балкона прапануюць некаторыя сталічныя кампаніі, якія спецыялізуюцца на рамонтных працах. Так, адна з арганізацый запэўнівае патэнцыяльных заказчыкаў, што зробіць перапланіроўку «прафесійна», абяцаючы «строга па дзяржстандартах» зрабіць «дэмантаж балконнага блока, шкленне лоджыі цёплым шклопакетам, уцяпленне і аздабленне ўнутры».

— Такі від перапланіроўкі забаронены: павелічэнне плошчы памяшкання, якую ацяпляюць, за кошт далучэння нават ідэальна ўцепленых балкона або лоджыі прыводзіць да цепластрат — сістэма цеплазабеспячэння жылога дома не разлічана на абаграванне дадатковых квадратных метраў, — папярэджвае начальнік юрыдычнага аддзела ЖЭУ № 3 Першамайскага раёна Аляксей Скалдзін. — Парушальніку пагражаюць значныя фінансавыя выдаткі — яму давядзецца не толькі заплаціць штраф, але і вярнуць усё ў першапачатковае становішча.

Тым не менш, некаторыя лоджыі можна зрабіць «бліжэйшымі». Напрыклад, калі лоджыя цягнецца ўздоўж двух памяшканняў — пакоя і кухні, а дзверы размешчаны ў пакоі, дапускаецца ўладкаванне дадатковага выхаду і з кухні пры наяўнасці дастатковай адлегласці паміж сцяной і акном, адзначыў спецыяліст.

Даведка

З 1 студзеня самавольнае пераабсталяванне або перапланіроўка, згодна з ч. 4 і ч. 5 арт. 22.12 Кодэкса аб адміністрацыйных правапарушэннях, караюцца штрафам у памеры:

— да 20 базавых велічынь, або 840 рублёў, калі самавольнае пераабсталяванне або перапланіроўка жылых і нежылых памяшканняў, у тым ліку інжынерных сістэм (ацяплення, гарачага і халоднага водазабеспячэння, каналізацыі, газазабеспячэння, электразабеспячэння, вентыляцыі), выканана без змянення апорнай здольнасці канструкцый;

— ад 10 да 30 базавых велічынь, або ад 420 да 1 260 рублёў, калі самавольнае пераабсталяванне або перапланіроўка прывяла да зніжэння апорнай здольнасці канструктыўных элементаў будынка, а таксама калі выканана пераабсталяванне вентыляцыйных шахт і каналаў.

Каментары1

  • маленькая архітэктарка цемры
    26.05.2025
    дарэчы, лоджыя, згодна Жыллёвага кодэкса не ўваходзіць у агульную плошчу кватэры

Цяпер чытаюць

Украіна масіравана атакавала расійскія аэрадромы: абвешчана спецаперацыя СБУ па знішчэнні расійскай бамбардзіровачнай авіяцыі16

Украіна масіравана атакавала расійскія аэрадромы: абвешчана спецаперацыя СБУ па знішчэнні расійскай бамбардзіровачнай авіяцыі

Усе навіны →
Усе навіны

Макрон заклікаў стварыць «кааліцыю незалежных» і не глядзець на Вашынгтон і Пекін4

Чарэшні на Камароўцы патаннелі ўтрая. Чым яшчэ выгадна закупіцца?2

Паўлючэнка: Вольга Сямашка хацела атрымаць для аўдыту менавіта фонд «Разам»21

Папулярная актрыса выпусціла мыла з вадой з уласнай ванны1

Ганна Бонд крытыкуе, дэпутатка Мірончык-Іванова спявае пра «крошку»: у Мінску з аншлагам прайшоў канцэрт «Руки вверх»37

Кот здольны адрозніваць свайго гаспадара ад незнаёмца па паху3

У адной з вежаў «Брамы Мінска» здаецца двухузроўневая кватэра з шыкоўнай тэрасай3

У Лунінецкім раёне паставяць помнік клубніцам: ёсць два варыянты12

Пяць гадоў таму арыштавалі Міколу Статкевіча7

больш чытаных навін
больш лайканых навін

Украіна масіравана атакавала расійскія аэрадромы: абвешчана спецаперацыя СБУ па знішчэнні расійскай бамбардзіровачнай авіяцыі16

Украіна масіравана атакавала расійскія аэрадромы: абвешчана спецаперацыя СБУ па знішчэнні расійскай бамбардзіровачнай авіяцыі

Галоўнае
Усе навіны →

Заўвага:

 

 

 

 

Закрыць Паведаміць