Пілот Lufthansa страціў прытомнасць у паветры. Самалёт 10 хвілін ляцеў без кіравання
Падчас рэйса авіякампаніі Lufthansa з Франкфурта ў Севілью самалёт Airbus A321 каля дзесяці хвілін ляцеў без дзеяздольнага пілота. Як вынікае з апублікаванай справаздачы іспанскай камісіі па расследаванні авіяцыйных здарэнняў, інцыдэнт здарыўся 17 лютага 2024 года на вышыні 10 700 метраў, піша Bild.
Капітан самалёта пакінуў кабіну для наведвання туалета, пасля чаго другі пілот раптам страціў прытомнасць — як мяркуецца, у выніку прыступу. Аўтапілот працягваў утрымліваць курс, але з-за паставы цела пілота, які знаходзіўся без прытомнасці, самалёт трохі адхіліўся ад курсу.
Спробы капітана вярнуцца ў кабіну не мелі поспеху: дзверы заблакаваліся, а ўваходны код не спрацаваў, бо другі пілот не мог пацвердзіць доступ.
Праз восем хвілін другі пілот апрытомнеў і адчыніў дзверы ўручную. Капітан неадкладна прыняў кіраванне і вырашыў здзейсніць экстранную пасадку ў Мадрыдзе, паколькі яго калега быў «бледны, пацеў і паводзіў сябе дзіўна».
Ужо ў аэрапорце пацярпелым заняліся лекары. У справаздачы гаворыцца, што прычынай страты прытомнасці стала раней не дыягнаставаная неўралагічная хвароба.
Праект зайшоў у тупік? Што з самалётам, які хацелі выпускаць у Беларусі
«Паперка, а не падстава для выезду». Беларуса з польскім праязным дакументам не пусцілі на самалёт
«Мяне калаціла, цяклі слёзы». Самалёт «Белавія», які ляцеў з Брэста ў Анталью, прыйшлося развярнуць над Расіяй
«Белавія» запускае на самалётах мультымедыйную сістэму для пасажыраў
Цяпер чытаюць
«Муж сышоў з Сіплым і Малым». Імаверна, пад Краматорскам украінцы адным махам убайдосілі трох беларускіх наёмнікаў16
Каментары
Нават больш, аўтапілот мяняе ці ігнаруе кіраванне пілота, калі камп'ютар вырашыць, што пілот памыляецца. І камп'ютар нават сам перадасць кіраванне іншаму камп'ютару, калі засумняваецца ў правільнасці сваіх жа рашэнняў. Менавіта таму авіятранспарт самы бяспечны транспарт.
Па-сутнасці сучасны пілот кіруе не самалётам, а толькі дае каманды камп'ютару (аўтапілоту), які ўжо сам кіруе самалётам.
Сучасныя самалёты гадзінамі ідуць без ўдзелу пілотаў, самі заходзяць на пасадку і садзяцца.
Тым больш airbus, які флагман такіх распрацовак.