Вайна1616

Ходзіць па Мазыры з аўтаматам: малады бацька паехаў ваяваць за Расію і не хавае гэтага

Малады бацька дваіх дзяцей Дзмітрый Кажарскі працаваў у калгасе і гатэлі, але потым раптам вырашыў стаць «вагнераўцам». Пра нетыповага найміта са спісу «Хачу жыць» расказаў «Флагшток».

Тут і далей фота: «Флагшток» / соцсеткі

Дзмітрый Кажарскі з Мазыра, яму 26 гадоў. Гэта просты хлопец з мікрараёна Пхоў, дэпрэсіўнай мазырскай ускраіны. Кажарскі паспеў папрацаваць у калгасе і на «Мазырсолі». У Беларусі крыміналу за ім не было — прыцягваўся толькі да адміністрацыйнай адказнасці за дробныя правапарушэнні.

Апошняе месца працы Кажарскага ў Беларусі — мазырскі гатэль «Прыпяць» (май 2022 года). А пасля малады чалавек з сярэдняй адукацыяй, жонкай і дзвюма дочкамi стаў наймітам расійскай ПВК «Вагнер» і адправіўся на вайну супраць Украіны.

Дакладную дату, калі мазыранін стаў штурмавіком «Вагнера», назваць складана, але шэўрон і сцяг з фатаграфій, якія ён публікуе ў сацсетках, сведчаць, што, хутчэй за ўсё, гэта адбылося яшчэ пры Яўгене Прыгожыне.

Цяпер, меркуючы па шэўронах, Кажарскі прывязаны да 417-га асобнага разведвальнага батальёна, які дзейнічаў, у прыватнасці, на Запарожскім кірунку. Таксама прасочваецца яго прыналежнасць в/ч 47084 — гэта 58-я агульнавайсковая армія Паўднёвай ВА ВС РФ, якая дыслакуецца ва Уладзікаўказе. Гэтая армія брала ўдзел у дзвюх Чачэнскіх войнах, вайне супраць Грузіі, а цяпер ваюе супраць Украіны.

Дзмітрый апублікаваў фота пасведчання баявой узнагароды «Крыж штурмавы» па загадзе камандзіра в/ч 47084 ад мая 2024 года (адпаведнае пасведчанне выдадзена 23 лютага 2025 года) і граматы «за ўзорнае выкананне службовых абавязкаў» ад часовага выканаўцы абавязкаў камандзіра 42-й гвардзейскай мотастралковай дывізіі, размешчанай у Грозным, — таксама ў 2024 годзе.

Фатаграфіі на старонцы Кажарскага сведчаць пра тое, што ён часта бывае на поўдні Расіі, і, верагодна, мае магчымасць вяртацца дадому. Сярод фотаздымкаў ёсць здымкі з аўтаматамі — найміт гуляе з АК па родным Пхове і паказвае аўтаматы мазырскім сябрам. Меркаваць пра тое, ці з'яўляецца зброя баявой, даволі цяжка — яна візуальна не адрозная ад гульнявых вырабаў.

Нагадаем, найміцтва забаронена беларускімі законамі. Але ў рэальнасці вагнераўцы свабодна дыслакаваліся ў Беларусі.

Франтавых фатаграфій у мужчыны няшмат: тэхніка штурмавога адзела — матацыкл, джып і квадрацыкл, занятыя вясковыя дамы (верагодна, на акупаваных тэрыторыях). На групавых фатаграфіях саслужыўцы, часцей за ўсё з Расії, але ёсць на фота і найміты-замежнікі — афрыканец і азіят.

Увогуле, найміт не саромеецца свайго ўдзелу ў агрэсіі супраць Украіны. Пазыўны «Пхоў» Кажарскі ўзяў па раёне свайго пражывання. Фатаграфію асабістага жетона (ПВК, 7 ШВ, 4 ШО, Пхоў, С-9850) і свой аўтограф на сцягу штурмавога адзела 4-га ўзвода групы Вагнера з пазыўнымі ён таксама публікаваў на сваёй старонцы.

На гэты момант Дзмітрый Кажарскі, напэўна, жывы — на сваю старонку ў «Аднакласніках» ён заходзіў зусім нядаўна.

Каментары16

  • Batushka
    14.05.2025
    Царствие ему небесное!
  • Filipp
    14.05.2025
    То ні дзіва, пад час воін што былі на нашай тэрыторыі, даволі часта суседзі з аднага сяла маглі быць на розных баках.
  • ))
    14.05.2025
    [Рэд. выдалена]

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

Сабаленка ўнеслі ў базу «Міратворца» пасля скандалу на матчы з украінкай Світолінай24

«Дзякуй жанчынам, якія дачакаліся». Tor Band паказалі сваю першую рэпетыцыю3

55‑гадовага прадпрымальніка асудзілі за палітыку: ён штодня спрачаўся з ватнікамі ў Z‑чатах10

У тэатры імя Горкага працягваецца капітальны рамонт. Як зменіцца будынак ФОТА1

Іншую скульптуру аўтара скандальнай «Быхаўскай мадонны» чыноўнікі афіцыйна набылі за $15 тысяч толькі праз месяц пасля адкрыцця7

Масад папярэдзіў ЗША аб планах Ірана забіць Трампа дронамі5

SpaceX упершыню ў гісторыі злавіла верхні блок Starship ВІДЭА5

Ці хапае трох дзён бальнічнага, каб не заразіць калег?1

Больш танныя балістычныя ракеты радыкальна мяняюць правілы вайны1

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць