Расіяне размялі гатэлі ў Мінску на майскія, арэндныя кватэры сталі па лонданскіх цэнах. Калі ёсць свая — можаце добра зарабіць
Сэрвісы па падборы гатэльных нумароў у Мінску выдаюць «на вашы даты нічога няма», калі паспрабаваць пашукаць сабе пакой з 30 красавіка да 4 мая. Гэта дні, калі расіяне гуляюць. Простая лагістыка ў бок Беларусі і адсутнасць чэргаў зрабілі Мінск турыстычным хітом. На рынку засталіся лічаныя кватэры ў арэнду, за аднушкі просяць больш за 3000 рублёў.
Знайсці нумары ў прыстойных гатэлях ужо немагчыма. На ўвесь Мінск, згодна з сэрвісам «Астравок», на 30 красавіка — 4 мая засталося пару пакояў у гэст-хаўсах.
І амаль не засталося арэндных кватэр. На расійскіх агрэгатарах іх вобмаль, і там ужо надта завышаныя цэны з разлікам на тых, хто не лічыць грошы, або на тых, хто не разбіраецца ў цэнах. Нейкія разумнікі спрабуюць здаць трохпакаёўку за 7000 беларускіх рублёў.
Уяўленне аб рынкавых цэнах на гэтыя даты дае Куфар. Там самы танны варыянт на чатыры ночы ў Мінску — 1200 рублёў. Але гэта яшчэ гуманна і такі варыянт усяго адзін.
Астатнія цэны ў раёне 2000 рублёў за ардынарную аднапакаёўку ў зоне шчыльнай забудовы на краі горада.
Але не зусім ясна, ці ўдасца рэальна зняць кватэры за 1500-2000 беларускіх рублёў, таму што гэта састарэлыя абвесткі. Магчыма, яны ўжо зарэзерваваныя, або з гаспадарамі не атрымаецца згандлявацца па такой «нізкай» цане.
Сёння, напрыклад, аднушку на Малінаўцы выстаўлялі ўжо па цане 3150 рублёў за 4 ночы — гэта 210 еўра за суткі. За такія грошы можна зняць прыстойныя апартаменты ў адносным цэнтры Лондана.
Іншыя выстаўленыя сёння абвесткі прапануюць прыкладна такі ж парадак цэн.
Цяпер чытаюць
Што посцяць беларускія селебрыціс, якія апынуліся пад бомбамі і дронамі ў краінах Бліжняга Усходу2
Каментары