ЗША пацвердзілі выкарыстанне стэлс-бамбардзіроўшчыкаў B-2 для ўдараў па Іране. Яны выканалі беспасадачны пералёт праз палову свету з базы ў Місуры
Цэнтральнае камандаванне Узброеных сіл ЗША (CENTCOM) заявіла, што ўначы амерыканскія стэлс-бамбардзіроўшчыкі B-2 Spirit нанеслі ўдары па Іране.
У паведамленні CENTCOM у сацсетцы X гаворыцца, што B-2, узброеныя 900‑кілаграмовымі бомбамі, атакавалі ўмацаваныя аб’екты, звязаныя з балістычнымі ракетамі Ірана. У заяве таксама падкрэсліваецца, што «ніхто не павінен сумнявацца ў рашучасці Амерыкі».
Раней пра выкарыстанне B-2 паведамлялі профільныя і OSINT-крыніцы. У прыватнасці, брытанскі OSINT-акаўнт DefenceGeek пісаў пра начную місію чатырох B-2 з пералётам з авіябазы Уайтмен (штат Місуры) і ўдарамі па цэлях у Іране. Ён сцвярджаў, што для падтрымкі вылету маглі задзейнічаць не менш за 13 самалётаў-запраўшчыкаў, разгорнутых на маршруце «ад Азорскіх астравоў да Кіпра». Гэтыя дэталі застаюцца не пацверджанымі афіцыйна.
Паралельна профільнае выданне The Aviationist паведамляла, што ЗША ўжылі B-2, якія, паводле іх звестак, выканалі далёкі вылет і пасля ўдараў паспяхова вярнуліся на базу ў ЗША.
Выкарыстанне B-2 звычайна звязваюць з задачамі супраць моцна абароненых або заглыбленых аб’ектаў. Аднак, акрамя таго, што агучыў CENTCOM (удары па ўмацаваных ракетных аб’ектах), інфармацыі пра канкрэтныя цэлі і вынікі ўдараў у афіцыйных паведамленнях пакуль няшмат.
Памерла палітзняволеная Алена Панкова. Паўгода назад яе асудзілі за ўдзел у пратэстах7
Каментары